Monday , April 15 2024

Alaska-Blackwater trade, aprobado na

INAPROBAHAN na ng PBA ang palitan ng manlalaro sa pagitan ng Alaska at Blackwater kamakalawa, dalawang linggo bago ang inaabangang pagbu­bukas ng 2019 Governors’ Cup.

Sa nasbaing trade ay pinakawalan ng Aces si Carl Bryan Cruz sa Elite kapalit ang rookie big man na si Abu Tratter.

Ito ang unang pagbabago sa kampo] ng Alaska sa ilalim ng bagong mentor na si Jeff Cariaso.

Matatandaang noong nakaraang buwan ay pinalitan ni Cariaso si Alex Compton na nagbitiw sa puwesto matapos ang limang taon bilang head coach ng Aces.

Inaasahan ni Cariaso ang malaking tulong ni Tratter sa frontcourt ng Alaska na binubuo nga mga beteranong sina Sonny Thoss, Noy Baclaro at Vic Manuel.

Makakasama rin ng 6’6 na si Tratter ang kanyang dating La Salle teammate na si Jeron Teng sa Alaska. Noong 2016 ay nagtulong sina Teng at Tratter upang gabayan sa kampeonato ng UAAP ang Green Archers.

Ang Alaska ang ikatlong team ni Tratter sa kanyang rookie year dahil matapos mapili bilang 7thoverall pick ng NLEX noong nakaraang PBA Rookie Draft ay naitulak siya papunta sa Blackwater kasama ang 5th overall pick na si Paul Desiderio.

Naging kapalit nila ang Gilas Pilipinas center na si JP Erram.

Sa kabilang banda, nag­wakas ang tatlong taon ni Cruz sa Alaska na kasama noong 2016 PBA Rookie Draft para sa Gilas cadets.

Sa Elite ay makakasama ni Cruz ang dati niyang FEU teammates na sina Raymar Jose at Mac Belo.

Tulad nina Tratter at Teng na nagkampeon sa UAAP nooong 2016, reunion din ito para sa FEU teammates na sina Jose, Belo, at Cruz na siya namang kampeon ng collegiate league noong 2015.

Sa Setyembre 20, magbu­bukas ang season-ending con­ference ng PBA.

ni John Bryan Ulanday

About John Bryan Ulanday

Check Also

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

Leave a Reply

Your email address will not be published. Required fields are marked *