Friday , March 29 2024

Gilas, lalong nagpalakas… Clarkson isinali sa pool

WALA mang kasigu­rado­han sa ngayon, sumugal pa rin ang Gilas Pilipinas nang isali sa pinakabago at pinalaking training pool ang Fil-Am NBA player na si Jordan Clarkson para sa napipintong kampanya ng 2019 FIBA World Cup sa China.

Ito ay ayon sa 19-man pool na inilabas ng Sama­hang Basketbol ng Pilipinas kamakalawa kasali si Cleveland Cava­liers guard Clarkson.

Bukod kay Clarkson ay nasa listahan din ang iba pang bagong miyembro na sina Stanley Pringle at Christian Standhardinger gayondin ang nadagdag na manlalaro noong naka­raang buwan pa na sina Matthew Wright, Beau Belga, Kiefer Ravena, Robert Bolick at CJ Perez.

Kasama nila ang original Gilas members na sina Andray Blatche, June Mar Fajardo, Japeth Agui­lar, Gabe Norwood, JP Erram, Raymond Alma­zan, Troy Rosario, Marcio Lassiter, RR Pogoy, Mark Barroca at Paul Lee.

Ayon kay head coach Yeng Guiao, milagro ang hihilingin nila upang mapayagan ng FIBA na makapaglaro si Clarkson na hindi mangyayari kung hindi siya kasali sa pool kaya’t inilagay pa rin nila sa kabila ng mga pangam­ba.

Matatandaan, sa mga nakaraang taon ay patulay na naikokonsidera ng FIBA na naturalized player si Clarkson at hindi local player ng Gilas sa kabila ng patunay na purong Filipina ang kanyang ina.

Kay long-time rein­force­ment na si Blatche na nakalaan ang naturalized player position ng Philip­pine team.

“We’re still hoping that a miracle happens,” ani Guiao.

Ayon kay Guiao, back-up plan din ang pagpapa­lahok kay Clarkson kung sakaling madale ng injury si Blatche lalo’t isang bu­wan pa bago ang pres­tihiyosong World Cup na nakatakda sa China mula 31 Agosto hanggang 15 Setyembre.

Sa naturang world cup ay nasa Pool D ang Gilas at makakalaban nila ang European powerhouses na Serbia at Italy gayondin ang African powerhouse na Angola.

Inaasahang magpapa­tuloy ang ensayo ng ba­gong pool ng Gilas sa Huwe­bes bilang pagha­handa rin sa mga tune-up games nila bago ang World Cup.

Lilipad sa Spain ang Gilas sa 4 Agosto para sa pocket tournament kontra sa Congo, Cote D’Ivoire at host team na Spain.

Pagbalik ng bansa ay sasalang sa daily training camp ang Gilas bago suma­bak sa pinal na tune-up games kontra sa Australian club na Adelaide 36ers sa 23 at 25 ng Agosto bago ang pagli­pad nila sa China.

ni John Bryan Ulanday

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *