Sunday , June 23 2024

Sa closing rites ng SEA Games… Bayaning si Casugay flag bearer ng PH

NASUKLIAN ang kabayanihan ni Roger Casugay matapos mapili bilang flag bearer ng Filipinas sa gaganaping 2019 SEA Games closing ceremonies sa New Clark City Stadium sa Capas, Tarlac, ngayong araw.

Ito ay ayon sa anunsiyo ni Team Philippines chef de mission at Philippine Sports Commission Chairman William “Butch” Ramirez.

“By sacrificing his chance for a gold to save an opponent, he embodies the true essence of being a sport man,” ani Ramirez.

“These Games are not only about medals. It is about character, resilience, love for one another and shoring up the faith of the person next to you, something that Casugay has exemplified.”

Matatandaang noong nakaraang linggo ay kinilala si Casugay nang isantabi ang tsansa para sa gold medal sa ginanap na semifinals ng surfing upang sagipin ang Indonesian na si Arip Nurhidayat na nawasak ang board sa kalagitnaan ng kompetisyon.

Umani ng papuri ang ginawang kabayanihan ni Casugay na higit pa sa gintong medalya kung maituturing.

Maging ang Indonesia president na si Joko Widodo ay humanga sa karakter ng Filipino surfer.

“Winning the competition and upholding sportsmanship is important, but humanity is above all,” ani Widodo.

“My appreciation for Roger Casugay, a Filipino surfer who gave up the golden opportunity to help Indonesian athletes who fell in the race. Greetings from Indonesia.”

Kalaunan, nagwagi pa rin ng gintong medalya si Casugay nang talunin ang kababayan na si Jay-R Esquivel sa finals ng long board surfing event sa San Fernando, La Union.

Si Casugay ang magwawagayway ng bandila ng Filipinas sa engrandeng closing ceremonies sa 20,000-seater athletics stadium.

Noong opening ceremonies ay mga kilalang atleta na sina gymanst Caloy Yulo, billiard player Rubilen Amit, skater Margie Didal, pole vaulter EJ Obiena, boxers Nesthy Petecio at Eumir Marcial, jiu-jitsu artist Meggie Ochoa, at judoka Kiyomi Watanabe ang nagsilbing flagbearers ng bansa.

ni John Bryan Ulanday

About John Bryan Ulanday

Check Also

VINNY Marcos Volleyball FIVB men’s worlds

Vinny Marcos nanguna sa ceremonial launch ng 2025 FIVB men’s worlds

IPINAKITA ng anak ng Pangulo na si William Vincent “Vinny” Araneta Marcos ang pagmamalaki at …

Brazil nanaig vs Netherlands sa VNL Week 3

Brazil nanaig vs Netherlands sa VNL Week 3

PASAY CITY – Bumangon ang Brazil mula sa first-set loss para talunin ang Netherlands sa …

Team Seirin JCI Senate Lipa Open Rapid chess

Team Seirin dinala ni Cu sa tagumpay

Lipa City, Batangas — Nanguna ang Team Seirin sa open division ng JCI Senate Lipa …

Eric Buhain Anthony Reyes PAI

Hikayat ng Philippine Aquatics, Inc. (PAI):
HOMEGROWN SWIMMERS, PINOYS ABROAD MAGPATALA, LUMAHOK SA NATIONAL TRIALS

HINIKAYAT ng Philippine Aquatics, Inc. (PAI) ang lahat ng mga homegrown swimmers at Filipino na …

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …

Leave a Reply

Your email address will not be published. Required fields are marked *