Ambush, sagupaan sa N. Samar inako ng NPA

CATARMAN, Northern Samar – Inamin ng grupo ng umano’y rebeldeng New People’s Army (NPA) ang pananambang noong 18 Disyembre na ikinamatay ng walong sundalo.

Ayon sa sulat ng isang nagpakilalang Efren Martires Command, inako ng Rodante Urtal Command ang insidente ngunit sinabing walang sibilyan ang nadamay.

Nakakuha rin ang mga rebelde ng apat na R4 rifles.

Bukod dito, sila rin ang nakasagupa ng mga sundalo sa Brgy. Capotoan sa Las Navas, Northern Samar noong 22 Disyembre na lima umano ang namatay na sundalo at marami rin ang nasugatan sa higit isang oras na putukan.

Una nang kinondena ng 8th Infantry Division ng Philippine Army ang dalawang magkasunod na pag-atake ng mga rebelde.

Sa Northern Samar ay nagsagawa ng motorcade ang ilang riders bilang pagkondena sa mga karahasan na isinagawa ng mga rebelde.