HATAW! D'yaryo ng Bayan hatawtabloid.com
AMINADO SI Kathryn Bernardo na kakaiba ang pakiramdam na hindi niya kasama sa isang pelikula si Daniel Padilla. Anim na taon nga naman silang laging magkasama ng binata sa mga proyekto.
Kaya naman ganoon na lamang ang katuwaan niya nang kinausap ng binata ang kapareha niya saThree Words To Forever na si Tommy Esguerra para hindi sila mahirapan sa mga gagawing eksena lalo na ‘yung nangangailangan ng sweetness nila.
Ilang linggo o may isang buwang nanatili sina Kathryn, Sharon Cuneta, at iba pang bida sa Three Words To Forever sa Ormoc, kaya naman nang dumalaw doon si Daniel ganoon na lang ang kasiyahan ng dalaga. ”Ang tagal ko siyang hindi nakita, eh, so parang na-recharge ako. Parang, okay, ready na ulit!” pag-amin ng dalaga.
Aminado naman si Kathryn sa kanilang relasyon ni Daniel at sinabi nitong, ”I am happy. Alam mo, ang sarap ngayon i-share ng lahat, na ganito ka-open, since sinabi namin doon sa last presscon ‘yung totoong status namin.”
“I’m the happiest when I’m with DJ. Hindi lang siya boyfriend, eh. Kaibigan mo rin. Sasabihin mo sa lahat kung paano siya sa family ko,” sambit pa ng dalaga.
Mapapanood si Kathryn sa Three Words To Forever kasama sina Sharon at Richard Gomez na pinamahalaan ni Cathy Garcia-Molina at palabas na sa Nobyembre 28, handog ng Star Cinema.
SHOWBIZ KONEK
ni Maricris Valdez Nicasio
