HATAW! D'yaryo ng Bayan hatawtabloid.com
“SWEET company” ang caption ni Jose Liwanag o mas kilala bilang si Carlo Aquino sa litrato nila ni Angelica Panganiban na naka-costume sila ng kulay pula habang nasa MRT sa Tokyo, Japan na naroon sila simula pa nitong Undas.
Kaarawan ni Angelica nitong Nobyemre 4, Linggo at bukod sa mga kaibigan ng aktres ay kasama rin niya ang kanyang Exes Baggage leading man.
May video post ang aktor na nasa teamLab Planets Tokyo sila habang nagpapalit-palit ng kulay at ang caption niya, “Bigyang kulay ang buhay #Meow.” Umabot naman sa 82,708 likes ang nasabing video at ang 2,030 comments ay sinasabing ‘sana sila na ulit, love love love at habang buhay teaser na lang ba’ ang ilan.
Grabe lahat ng taga-showbiz ke ka-close o hindi ng CarGel ay gustong-gustong magkabalikan sila kaya ano pa nga ba ang hinihintay ninyo Angel at Carlo?
Hayan dahil sa lakas ng CarGel ay gusto ng supporters nilang ma-extend ang karakter ni Carlo sa seryeng PlayHouse dahil kinikilig sila sa dalawa kapag sila na ang magka-eksena.
Excuse me lang po sa loyal supporters, si Zanjoe Marudo ang leading man ni Angelica sa PlayHouse at hayaan na lang nating sa pelikula magsama ang CarGel o sana nga sa totoong buhay na.
Kung bakit naman kasi umaayon naman ang kuwentong umeere ngayon sa PlayHouse na tuluyan nang maghihiwalay sina Marlon (Zanjoe) at Patty (Angelica). Hayan nagkaroon tuloy ng pagkakataong makapasok si Carlo as Harold.
Pero dahil nabalitaan na ni Marlon na buntis si Patty na asawa niya ay baka iurong na nila ang annulment.
Kaya hindi rin magkakatuluyan sa PlayHouse ang CarGel dahil buntis si Patty at si Marlon ang ama.
Anyway, may nagtanong sa amin kung may follow-up movie sina Carlo at Angelica. Ang alam namin ay si JM De Guzman ang makakasama ng aktres sa susunod nitong pelikula na follow-up ng That Thing Called Tadhana.
FACT SHEET
ni Reggee Bonoan
