Regine sa mga basher — Kayo ang panalo rito!

GUMAWA ng open letter si Regine Velasquez para sa kanyang bashers na ipinost niya sa kanyang Instagram account noong Lunes. Ito’y sagot niya sa netizens na nagpakawala na naman ng masasakit na salita laban sa kanya, na idinamay pa ang kanyang asawang si Ogie Alcasid at anak nilang si Natepagkatapos lumabas ang balita tungkol sa ratings ng ASAP at Gandang Gabi Vice—ang dalawang unang programa ng ABS-CBN na nilabasan niya bilang balik-Kapamilya, noong Linggo, October 28.

Base sa datos ng AGB Nielsen, naungusan sa ratings ng Sunday Pinasaya ang ASAP at Kapuso Mo, Jessica Soho/Sunday Night Box Office ang GGV.

Narito ang kabuuan ng mensahe ng Asia’s Songbird:

“Dear bashers, I’m truly happy for GMA Congratulations to everyone in SPS and KMJS. And I’m happy you guys are happy.

“But just a suggestion total sinasabi nyong lahat na hindi ako kailangan ng GMA, sinabihan nyo ako na wala akong utang na loob walang akong loyalty (apparently 20 years can not be considered being loyal) na muka akong pera. Maybe you guys can stop insulting me my husband and my son.

“Lumipat lang po ako ng network hindi ako pumatay ng tao.

“Again I’m grateful for my 20 years in GMA I made a lot of friends there and i have great memories being a kapuso.

“Tutal naman po nayurakan nyo na ng bonggang bongga ang pakatao ko na parang bang may nagawa akong masama sa inyo personally.

“You guys obviously HATE me gets ko na po. Gets ko rin na hindi nyo papanoorin ang mga shows na gagawin ko sa ABS tanggap ko na po yun at wala naman pong pilitan ito.

“Free TV po ito walang bayad we are all here to provide you entertainment FOR FREE!!!! So sa madaling salita kayo ang panalo dito.

“nagmamahal kapamilya Regine.”

MA at PA
ni Rommel Placente

Jericho, ‘di pinuputol ang komunikasyon sa ina ni Isabel