Regine at Morisette gustong maka-duet ng newbie singer

MATABIL
ni John Fontanilla

SINA Regine Velasquez-Alcasid at Morissette Amon ang iniidolo ni Sephy Francisco na unang napanood at nakilala sa I Can See Your Voice Philippines.

Pinahanga ni Sephy ang international audience nang sumali ito sa I Can See Your Voice Korea at sa X Factor UK 2018.

“Among our local singers ang paborito ko since bata pa ako ay sina Regineat Morisette.

“Sobrang husay po kasi nila and gusto ko po ‘yung the way they sing and kung paano sila mag-perform.

“Everytime na napapanood ko sila ramdam na ramdam ko ‘yung grabeng pagmamahal nila sa pagkanta and they always give their 100 percent sa bawat performance.

“And ‘yun ‘yung naging panuntunan ko sa tuwing nagpe-perform ako na dapat 100 percent ‘yung performance.

“Hopefully makatrabaho ko sila sa isang konsiyerto at maka-duet.”

Sa ngayon, abala si Sephy sa Kumu na ibinabahagi nito sa kanyang mga manonood ang husay sa pag-awit at guesting sa mga online concert ng mga celebrity local artist.