AFP takeover sa Customs suportado ni Sotto

SUPORTADO ni Senate President Tito Sotto ang pagtatalaga ni Pangulong Rodrigo Duterte sa Armed Forces of the Philippines bilang pan­samantalang tagapa­ngasiwa sa operasyon ng Bureau of Customs bago ang pagpapalit ng lide­rato ng ahensiya.

Ayon kay Sotto, naniniwala siya na mga ganitong uri ng “drastic measures” ang kinakai­langan upang tuluyang maputol ang mga ilegal na gawain sa BoC na matagal nang suliranin ng bansa.

Magugunitang pan­sa­mantalang inilagay ni Pangulong Rodrigo Du­ter­te ang BoC sa panga­ngalaga ng AFP upang tuluyang masugpo ang katiwalian partikular sa drug smuggling maka­raan makapuslit ang ilang shabu shipment.

Giit ng Pangulo, ipa­palit ang mga tao mula sa militar habang tinutu­gunan ang mga kinaha­harap na problema sa korupsiyon sa bansa.

(CYNTHIA MARTIN)

Martial law sa Customs

AFP takeover sa Customs kaduda-duda — Pangilinan

Customs sa AFP pakitang tao? — Solon