Ex-customs intel officer arestohin — Duterte (Sa P6.8-B shabu )

INIUTOS ni Pangulong Rodrigo Duterte kay Philippine National Police (PNP) chief, Director General Oscar Albayalde ang pag-aresto sa isang dating Customs intelligence officer na sabit sa pagpuslit ng illegal drugs sa bansa.

Sa kanyang talumpati sa Palasyo kahapon, sinabi ng Pangulo, si Jim­my Guban, dating Cus­toms intelligence officer, ang namemeke ng ID para makapasok sa bansa ang illegal drugs.

Sinabi ng Pangulo kay Albayalde na dalhin si Guban sa National Bureau of Investigation (NBI) para ikulong.

Napanood ng Pangu­lo sa telebisyon ang im­bestigasyon ng Kongre­so kahapon sa pagkawala ng P6.8-B shabu sa magnetic lifters sa bodega sa Cavite.

Nauna rito, may na­tanggap na ulat si Pangu­long Duterte hinggil sa papel ni Guban sa pag­puslit ng illegal drugs sa Aduana.

Matatandaan, sa House hearing noong Setyembre ay inamin ni Guban na siya ang nagha­nap ng consignee para makapasok sa bansa ang apat magnetic lifters.

ni ROSE NOVENARIO