HATAW! D'yaryo ng Bayan hatawtabloid.com
BALIK-TANAW nga ni Direk Paul na ilang beses siyang bumalik sa bahay nina Aga para mag-pitch at sa huli ay nagustuhan ng aktor ang kuwento pero sa isang kondisyon, gusto niyang makapareha si Bea Alonzo na sumakto naman dahil ang actress din pala ang nasa isip ng direktor na leading lady niya.
Kaya naman sa media day kahapon ay ang saya-saya ng mga cast na sina Aga, Edward Barbers, Albie Casino, at Bea sa pagkukuwento kung gaano sila kasaya habang isinu-shoot ang First Love sa Vancouver, Canada.
Para kay direk Paul ay perfect ang chemistry nina Aga at Bea.
Kuwento naman ni Aga sa unang araw ng shoot nila ni Bea, ”nakita ko parang ninenerbyos si Bea, not naman nerbiyos (per se) kundi naiilang sa akin. I have to tell her sa first shooting day namin, ‘Bea ikaw ang angkla ko rito, sa ‘yo ako kakapit dito, meaning just let me do what I’m gonna hayaan mong mahulog ako sa ‘yo rito. Tama ako, eh. Kung ano ‘yung nakita ko sa kanya (ibang pelikula), nakita ko rito, talagang you’ll become a fan, ‘o my God this girl is crazy, crazy good. Umaarte siya sa harapan ko, siyempre nangangapa rin ako.
“Ito ‘yung Bea Alonzo sa harapan mo na ‘pag nag-react, ‘pag nag-line ka ng ganito at mali ang balik niya sa ‘yo, mapupunta sa ibang direksiyon ang eksena, maiiba eh. Mayroon na akong ramdam, alam ko na kung anong mangyayari dapat doon siya pumupunta talaga, and I think that’s chemistry right away without really talking about it.”
Ibinalik naman ni Bea ang papuri ng aktor, ”noong sinabi niyang ako ang angkla niya kinakabahan kasi ako, sabi niya, ‘don’t worry ako rin kinakabahan’ na minsan kasi kapag malaking aktor (pangalan) star siya hindi mo ‘yan maririnig kasi normally may ego ‘di ba? Siya wala niyon and it made me feel comfortable na parang ‘uy pareho kami’ were equals so mas madali para sa akin.”
FACT SHEET
ni Reggee Bonoan
