HATAW! D'yaryo ng Bayan hatawtabloid.com
“SANYA is really good in bed.” Ito ang tinuran ni Derrick Monasterio ukol sa kanyang leading lady na si Sanya Lopez sa pelikulang handog ng Regal Films, ang Wild and Free na palabas na sa Oktubre 10 at pinamahalaan ni Direk Connie SA Macatuno.
“Wala pa po akong experience sa ganyan, sa totoo lang,” susog naman ni Sanya na sa edad 22 ay aminadong virgin pa.
Kaya naman nasabi pa ni Derrick na magaling na artista si Sanya dahil nagawa nitong maging wild sa napakarami nilang maseselang eksena.
Kagulat-gulat din ang pagtulay ni Direk Connie mula sa napaka-wholesome na pelikulang Mama’s Girl na pinagbidahan nina Sylvia Sanchez at Sofia Andres sa isang exciting at sexy movie na Wild and Free.
“Para versatile lang,” natatawang unang paliwanag ng director. “Kami ang nag-cultivate ng story at yes and no na first time akong gumawa ng ganitong klase ng pelikula in full length.
“Generally, usually ang style ko talaga is sexy,” paliwanag pa ng director.
“Naalala ko ang first series ko noon is ‘Burn’, first sequence niyon eh naghahalikan sina Diether Ocampo at Carla Laforteza. Mayroon agad ganoon may mga naka-bikini. Hindi ano lang iyon contemporary ang approach. Liberal akong tao pero ang core ko eh traditional. Makikita mo siya sa ‘Mama’s Girl.’ Makikita mo rin siya rito na kalahati malalandi talaga ang mga eksena. Pero natural lang naman, lahat naman tayo may landi.
“At the other side of it may family din siya, may values din.”
Ukol naman sa pagkumbinse sa mga artista niya para gawin ang mga grabeng eksena, giit ng director, “May tiwala sila sa akin. Kasi nagkaroon kami ng workshop and I explain to them kung ano ang mangyayari. They got the script. May parameters kami and sinabi naman nila kung hanggang saan lang sila. Tinanong ko agad sila kung hanggang saan.
“Rerespetuhin mo lang kung hanggang saan ang kaya ng artista mo. Iniikutan mo siya kung paano ‘yung puwede at hindi puwede.”
Naintindihan naman ni Direk Connie kung hanggang doon lang ang kayang ibigay ng kanyang mga artista.
Ang Wild and Free ang biggest movie break ni Sanya.
Aniya, “May I am sensual by nature. Although we had some workshops before we started. I admit that I am still a virgin. But to act realistically on my character, I have to learn this from watching videos that can arouse my sensuality.”
Ang Wild and Free ay ukol sa istorya ni Ellie, isang independent at self-supporting woman, who has been living wild and free.
SHOWBIZ KONEK
ni Maricris Valdez Nicasio
