Kelot patay sa loob ng SUV (Sa Las Piñas)

NATAGPUANG patay at tadtad ng tama ng bala sa katawan ang isang hindi kilalang lalaki sa loob ng abandonadong sasakyan sa Las Piñas City, nitong Martes ng gabi.

Base sa inisyal na ulat ng sa Las Piñas City Police, dakong 9:00 pm nang natagpuan ang duguang bangkay ng lalaki sa loob ng itim na Mitsubishi Montero na may plakang UOA 550, sa Vatican Drive, BFRV, Brgy. Talon Dos sa nasabing lungsod.

Nagulat si Leonardo Ontoy, 45, caretaker ng Espacio sa nasabing lu­gar, nang makita sa loob ng sasakyan ang bangkay kaya agad niyang ipina­alam sa mga awtoridad.

Sa imbestigasyon ng Scene of the Crime Office (SOCO) team ng Southern Police District (SPD), narekober ang ilang basyo at tingga ng hindi pa ba­tid na kalibre ng baril sa pinangyarihan ng insiden­te, habang nakuha ang per­sonal na gamit ng biktima tulad ng cell­phone at relo.

(JAJA GARCIA)