Wednesday , December 8 2021

Bebot patay sa saksak ng live-in partner

PATAY ang isang gi­nang nang pagsasak­sakin ng kanyang live-in partner sa loob ng kani­lang bahay sa Malabon City, kamakalawa ng hapon.

Kinilala ang bikti­mang si Maria Rosa Jatulan, 53, vendor sa Con­­cepcion Market, at residente sa E. De Jesus St., Brgy. Concepcion, habang pinaghahanap ng mga pulis ang kan­yang live-in partner na si Danilo Manalastas, nasa hustong gulang.

Batay sa imbestigasyon nina SPO1 Jherico Pascual, PO2 Joenel Claro at PO2 Aaron Blanco, dakong 5:00 pm nang utusan ng kapatid ng biktima na si Wilma, 43, ang kanyang anak na si Jovito na puntahan ang kanyang tiyahin sa inuu­pahang apartment para alamin kung bakit hindi nagtinda sa pa­lengke.

Agad nagtungo si Jovito sa bahay ng tiya­hin at pagdating ay paulit-ulit niyang kina­tok ang pin­to ngunit walang nagbubukas kaya hu­mingi ng tulong sa isang Reynaldo Gallardo saka sinira ang window grills.

Nang makapasok sa loob, laking gulat ni Jovito nang makita sa loob ng kuwarto ang wala nang buhay na biktima habang natakpan ng unan at banig kaya agad niyang ipinaalam sa kanyang ina na siyang nag-report sa pu­lisya hinggil sa nadis­kobre.

Sa isinagawang cur­sory examination ng mga tauhan ng SOCO sa bang­kay, nabatid na ito ay may mga saksak sa dibdib at kaliwang braso.

Nauna rito, dakong 11:15 am nang marinig ng kapitbahay ng bikti­ma na si Roxanne Co­nise, 27, si Ma. Rosa ha­bang umiiyak at sumi­sigaw ng “Danny Tama na!”

Pagkaraan ay nakita ng isa pang saksi na si Joel Conge ang suspek na lumabas sa kanilang apartment at nagma­madaling sumakay sa motorsiklo saka mabilis na tumakas.

(ROMMEL SALES)

About Rommel Sales

Check Also

Las Piñas Enhanced Kadiwa Inclusive Food Supply Chain Program

Para sa food security
LAS PIÑAS CITY PUMIRMA NG MOA SA DA

NILAGDAAN ng Las Piñas city government at ng Department of Agriculture (DA) ang isang memorandum …

Rida Robes

Pagbabakuna sa mga batang edad 5-11 anyos unahin bago face-to-face classes – Robes

UMAPELA si San Jose Del Monte City Rep. Florida “Rida” P. Robes sa Inter-Agency Task …

Comelec

Ex-CJ sa Comelec
DQS VS BBM RESOLBAHIN

HINIMOK ni retired chief justice Artemio Panganiban ang Commission on Elections (COMELEC) 2nd Division na …

SMC Isla Pulo San Miguel DENR

SMC tumutulong sa natitirang Metro old growth mangrove forest para protektahan

DADAGDAGAN ng San Miguel Corporation ang volunteers mula sa kanilang hanay para tulungan ang Department …

Sunshine Cruz

Sunshine ‘di tumatanda — Wala kasi akong problema

HATAWANni Ed de Leon HINDI na yata tumatanda si Sunshine Cruz? Aba kung titingnan mo ang kanyang picture …

Leave a Reply