3 arestado sa ‘rent-a-car’ carnapping

ARESTADO ang tatlong lalaking sangkot sa rent-a-car carnapping habang dalawang carnap vehicle ang narekober ng mga operatiba ng Quezon City Police District (QCPD), iniulat kahapon.

Sa ulat ni QCPD director, C/Supt. Joselito Esquivel, Jr., kay National Capital Region Police Office (NCRPO) director, C/Supt. Guillermo Lorenzo Eleazar, kinilala ang mga suspek na sina Manchester Uy, 42, broker; Omar Clores, 34, trailer driver, kapwa residente sa Belmont St., West Wing Villa, at Kurt Siegffred Mercado, 25, nakatira sa Brgy. Batasan Hills, Quezon City.

Ayon sa imbestiga­s-yon, noong 7 Agosto 2018 dakong 10:00 pm, isang John David Villa­nueva ang umarkila ng Ford Everest, model 2018 (CS C1-F517) ng nagre­rek­lamong si Lindsay Rivera ng GSIS Village, Brgy. Talipapa. Napag­kasunduang ibabalik ang sasakyan sa 10 Agosto 2018.

Ang sasakyan ay may dalawang Global Posi­tioning System (GPS).

Ngunit nitong 8 Agosto, napansin ni Rivera sa monitor, na isa sa GPS ay nakapatay dahilan para tawagan niya sa cellphone si Vil­lanueva ngunit bigo si­yang makontak ang umarkila.

Gayonman, dahil sa nakabukas ang ikala­wang GPS, natunton ang sasakyan habang naka­parada sa harapan ng isang banko sa Mayaman St., Brgy. Central.

Dakong 4:30 pm, 10 Agosto, pinuntahan ng biktima ang lugar at nakita ang sasakyan dahilan para humingi siya ng tulong sa QCPD Anti-Carnapping.

Narekober ang sasak­yan ngunit iba na ang gumagamit, na kinilalang si Federico Noveno. Ibina­lik ni Noveno ang sasak­yan nang malaman ang katotohanan.

(ROMMEL SALES)