Monday , July 15 2024

Kaso vs QCPD Yarra ikakasa sa Ombudsman (Sa utos ng ilegal na pag-aresto?)

100421 Hataw Frontpage

NAKATAKDANG sampahan ng patong-patong na kaso ng Globaltech Mobile Online Corporation sa Office of the Ombudsman si Quezon City Police District (QCPD) director, P/BGen. Antonio Yarra kaugnay sa sinabing utos niyang pag-aresto umano sa mga kawani ng Perya­han ng Bayan kamakailan sa lungsod.

Ayon kay Atty. Bernard Vitriolo ng Globaltech, ito ay direktang paglabag sa karapatan ng kompanya na ipagpatuloy ang kanilang operasyon.

Idinagdag nito na may proper identification ang kanilang mga tauhan na nangangasiwa sa palaro kaya’t hindi maituturing na illegal gambling ang kanilang operasyon. 

Matatandaan na ginagarantiyahan ng status quo ante order na iniutos ni Presiding Judge Nicanor A. Manalo, Jr., ng Pasig Regional Trial Court Branch 161 noong 17 Mayo 2016 ang operasyon ng PNB sa pamamahala ng Globaltech.

Batay sa rekord, ang naturang kautusan ay kinatigan din ng Court of Appeals matapos utusan ang Philippine Charity Sweepstakes Office (PCSO) na patuloy na magpadala ng opisyal na kinatawan para sa PNB draw ng Globaltech.

Noong 14 Enero 2019, ayon sa CA – G.R. SP No. 151727 at CA – G.R. SP No. 154056, nabigo ang petition for certiorari na inihain ng PCSO upang kanselahin ang operasyon ng Globaltech at unanimous na kinatigan ng Court of Appeals ang inilabas na status quo ante order ng Pasig RTC.

Dahil dito, nag­pahayag ng pangamba sa media ang isa sa mga opisyal ng QCPD na nakiusap ‘wag banggitin ang kaniyang pangalan.

Ayon sa kaniya, “Nangangamba kaming mga pulis sapagkat naiipit kami sa utos ni DD Yarra at sa umiiral na batas na ang Peryahan ng Bayan (PNB) ay awtorisado ng Philippine Charity Sweepstakes Office (PCSO) kaya’t ito ay isang legal na palaro.’

Idinagdag niya na posible silang buweltahan ng kaso ng mga legal na PNB sa lungsod at maiipit ang kaniyang mga tauhan dahil alam naman nilang lahat na matagal nang may umiiral na kautusan ang korte para sa patuloy na operasyon ng PNB ng Globaltech.

“Baka puwede mag-concentrate na lang kami sa pag-aresto sa loteng para legal ang panghuhuli namin, kaysa naman ang huhulihin mo e ‘yung may hawak na papel. Naka­papagod dumalo sa hearing pag kinasuhan ka, bukod pa sa abala at nagagastusan pa kami,” dagdag pa ng opisyal.

About hataw tabloid

Check Also

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Francis Tolentino

Sakripisyo, galing, at husay ng Pinoy nurses kinilala
Tolentino tiniyak PH Nursing Act of 2022 mahigpit na tututukan

PINURI ni Senate Majority Leader Francis Tolentino ang sakripisyo ng mga Pinoy nurses hindi lamang …

Bongbong Marcos Francis Tolentino

Tulong sa mga magsasaka at mangingisda sa Calabarzon Region sa pamamagitan ng TUPAD program ikinasa

MAHIGIT sa 12,000 mangingisda at magsasaka mula sa lalawigan ng Cavite at Rizal ang nabigyan …