Nadine, tumulong na, na-bash pa

WALA na talagang pinatatawad ang mga basher dahil kahit ang simpleng pagtulong sa mga nangangailangan ng mga artista ay bina-bash pa rin.

Ang latest ay ang ginawang pagtulong ni Nadine Lustre sa Gift of Life International na nilagyan ng kulay nang mag-post ang Gift of Life International ng litrato ng actress habang nagbibigay ng tulong sa mga batang may heart ailments.

“Filipino celebrity Nadine Lustre visited the children being treated for their heart ailments at Vicente Sotto Memorial Medical Center. During her visit, she helped to put smiles on the faces of the children being treated and learned more about how Gift of Life is healing little hearts around the world.”

Hindi lamang ito ang tinutulungan ni Nadine, sa totoo lang, maraming institusyon ang tinutulungan niya especially kapag tungkol sa mga bata. Ayaw lang i-post ni Nadine ang mga litrato ng kanyang personal na pagtulong, kaya naman hindi siguro nito alam na ipinost ng Gift of Life International ang kanyang litrato.

Kaya naman sa mga namba-bash diyan unahin muna sigurong gumawa ng maganda at tumulong sa kapwa katulad ng ginawa ni Nadine at ng ibang mga artista bago mam-bash.

MATABIL
ni John Fontanilla