Tuesday , March 18 2025
Fifth Solomon Alex Gonzaga Jerald Napoles Joj Agpangan Nakalimutan Ko Nang Kalimutan
Fifth Solomon Alex Gonzaga Jerald Napoles Joj Agpangan Nakalimutan Ko Nang Kalimutan

Alex, sobrang bilib sa pagdidirehe ni Fifth

IPINAGMAMALAKI ni Alex Gonzaga si Fifth Solomon.

Katunayan,  open ang nakababatang kapatid ni Toni Gonzaga sa pagsasabi kung gaano siya bumilib sa galing ng baguhang writer/director.

Nagkasama sina Alex at Fifth sa Pinoy Big Brother at simula noo’y naging magkaibigan na ang dalawa kaya hindi nakapagtataka kung si Alex ang ginawang bida at unang nakaalam sa kagustuhang makapagdirehe ni Fifth. Ito’y sa pamamagitan ng pelikulang Nakalimutan Ko Nang Kalimutan Ka na mapapanood na sa September 19 handog ng Wilbros Films.

Nakapagbiro pa nga si Alex na naging crush niya si Fifth. ”’Pag nakikita mo kasi si Fifth seryoso siya. Hindi mo aakalain na magagawa niya ‘yun (pagdidirehe) sobrang unexpected.”

Hirit pa ni Alex sa mediacon ng NKNKK na ginawa sa Novotel ”Humahanga ako sa kanya kasi grabe ang talento na mayroon siya. Sana po eh, ma-witness n’yo lahat at mapanood ninyo.”

Ani Alex, na pinakamasayang parte habang ginawa nila ang pelikula ay ang paggawa niyon. ”Kasi ang makakatrabaho ko eh si Fifth at alam ko ito talaga rati pa kino-conceptualize pa lang niya nag-uusap kami sa dining table namin sa Taytay nandoon na ako naririnig ko na.

“So nakikita ko na nagdidirehe siya lagi. Kasi kasama ko siya lagi patawa siya ng patawa. So, nakita ko sa set na talagang game siya talagang ibinibigay niya lahat.”

Labinlimang araw natapos ni Fifth ang pelikula na kinunan nila sa Manila, Bataan at sa iba pang lugar.

First directorial job ito ni Fifth at aminado siyang naka-vertigo habang ginagawa. ”Sumasakit ang ulo ko araw-araw kaya bumili nga ako ng isang banig ng Biogesic,” biro nito.

At kahit nagka-vertigo, satisfy naman si Fifth sa kinalabasan. ”Masaya siya (pagdidirehe) at okey lang ang pagod kasi gusto mo ‘yung ginagawa mo.”

Aminado naman si Fifth na pressured siya sa magiging resulta ng pelikula. ”Siyempre kailangan kumita tayo para maging happy sila (Wilbros, ang prodyuser) at ako na rin.”

Aminado naman si Fifth na gusto niyang ituloy-tuloy ang pagdidirehe, pero, ”Gusto ko pa ring umarte sa harap ng kamera pero siyempre magpo-focus lang ako sa directing ngayon at pgsusulat kasi mas malaki ang pera ha haha.

“Pero, mahal ko kasi ang ginagawa ko. ‘Pag nag-shoot ka tapos kapag nakita mo ‘yung isinulat mo, ‘yung idinirehe mo ang sarap-sarap sa feeling na makapag-ambag ng kuwento sa ibang tao.

“Ang sarap ng feeling na makapagbigay ng mga kuwento na bago sa mga viewer.”

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Delia Razon Carla Abellana

Delia Razon pumanaw sa edad 94; Carla nagdadalamhati 

I-FLEXni Jun Nardo NAGLULUKSA ang Kapuso actress na si Carla Abellana sa pagpanaw ng kanyang lola at …

Mark Herras dinagsa ng trabaho kapalit ng sangkatutak na hater

SHOWBIZ KONEKni Maricris Valdez NAGPAPASALAMAT si Mark Herras sa mga hater dahil dumami ang trabaho niya simula …

Joel Cruz Children

Joel Cruz  abala sa negosyo at anak, lovelife isinantabi 

MATABILni John Fontanilla HINDI priority ng tinaguriang The Lord of  Scents na si Joel Cruz ang magkaroon …

Gladys Reyes Sonyer Reyes

Gladys madamdamin pag-alala sa kaarawan ng namayapang ama

MA at PAni Rommel Placente EMOSYONAL ang naging pag-alala ni Gladys Reyes sa ika-70 kaarawan sana ng …

Ivana Alawi Fyang Smith Kathryn Bernardo Anne Curtis

Fyang Smith gustong makatrabaho sina Kathryn at Anne

MA at PAni Rommel Placente PURING-PURI ni Ivana Alawi ang ugali at personalidad ni Fyang Smith. Nag-enjoy si …

Leave a Reply

Your email address will not be published. Required fields are marked *