KD Estrada nominado na naman para ma-evict

MA at PA
ni Rommel Placente

SA Pinoy Big Brother:Kumunity Season 10 3rd Nomination Night noong Linggo, nominado na naman si KD Estrada for eviction. Nakakuha siya ng 8 points mula sa kanyang co-housemates.

Nang  marinig ang pangalan niya bilang nominado,  biglang tumayo si KD at lumakad palayo mula sa kanilang kinauupuan. Obvious na hindi niya matanggap na lagi na lang siyang nominado. 

Sa tatlong beses na nano-nominate ang binatilyo, iisa  lang ang ibig sabihin nito, na maraming may ayaw sa kanya na makasama pa sa loob ng Bahay Ni Kuya, ‘di ba? Parang ang sakit naman niyon sa part niya.

Pero sa naunang dalawang nominasyon niya, ay hindi siya na-evict. Lagi siyang ligtas. Marami kasi siyang fans na gusto pa rin siyang mapanood sa nasabing reality show ng ABS-CBN.  

This time kaya, ay makaligtas na naman siya sa nominasyon, o tuluyan na siyang mapatalsik sa PBB House? ‘Yan ang ating aabangan!

Bukod kay KD, ang tatlong mga nominado pa ay sina Chie Filomeno, Eian Rances, at Benedix Ramos.