HATAW! D'yaryo ng Bayan hatawtabloid.com
KAPAG sinabi ang pangalang Hercules, pagiging sobrang malakas ang idinidikit sa ibig sabihin nito.
Sa Sabado, Agosto 31, 2018, isa na namang makabagbag-damdaming kuwento ng buhay ang ibabahagi ng MMK (Maalaala Mo Kaya) sa bakuran ng Kapamilya.
Tatay Hercules ang working title ng nasabing episode na pagbibidahan ni Joross Gamboa kasama si Roxanne Guinoo na gaganap sa papel ni Jucel na asawa niya kasama sina Jamila Obispo, Sofia Reola, Raine Salamante, Krystal Mejes, JJ Quilantang, at Lemuel Pelayo. Ang naturang istorya ay mula sa panulat nina Arah Jell Badayos at Akeem Jordan del Rosario at sa direksiyon ni Mervyn Brondial.
Responsableng ama sa kanyang panganay na iniwan ng inang nagtrabaho sa Japan si Hercules. Kaya nang makilala si Jucel at magkaroon na rin sila ng mga supling, kamada na ni Hercules ang mag-alaga sa mga bata.
Pero ang hamon ng panahon ang hindi niya inasahan.
Sa pagkakasakit ng malubha ng anak at kinailangan ang agarang operasyon. Nasaid ang naipon niya sa Saudi. At bilang kapalit ng bayad sa ipinag-ospital ng anak, kada buwan eh nagdo-donate siya ng dugo sa ospital. Marami rin naman ang tumulong sa kanya, isa pang dagok ang dumating sa isa pa nilang anak na heart transplant naman ang kinailangan.
Hanggang saan kinaya ni Hercules at Jucel ang pagsubok na inihatid sa kanila ng tadhana?
HARD TALK!
ni Pilar Mateo
