HATAW! D'yaryo ng Bayan hatawtabloid.com
HAPPY ang magandang Kapamilya aktres na si Ria Atayde sa pagiging parte niya ng Kathryn Bernardo at Daniel Padilla starrer na The Hows Of Us. Ipalalabas na ang naturang pelikula mula Star Cinema sa August 29.
Saad ni Ria, “Nakakatuwa po na makasama sa movie. It’s a huge deal for my career… I’m honored.”
Nabanggit din ni Ria na natutuwa siya na nakatrabaho si Daniel dahil kababata niya ito. “And it’s nice po, kasi kababata ko po si Daniel. So, parang hindi ko na po siya nakasama mula noong tumanda kami. Tapos si Kath po, now ko lang din po nakatrabaho. So, I’m getting to know her and I like what I’m learning about her.”
Anong masasabi mo sa KathNiel? Anong klase silang katrabaho?
Nakangiting saad ni Ria, “They’re such dedicated people and super bait nila pareho. Very professional po iyong dalawa. KathNiel is fun to work with.
“They’re so cute together and grabe po ‘yung chemistry nila, both on and off screen. Pati ako kinikilig po, e. Mabait silang katrabaho, very understanding din.”
How about si Direk Cathy Garcia-Molina?
“Solid po si Direk Cathy. She’s a visionary. She knows what she wants and will guide you to get there. Ang galing po niya and I’m learning a lot. She’s one of the directors on my bucket list, so I’m grateful to be given that chance,” saad ng talented na anak ni Ms. Sylvia Sanchez.
Sa ngayon ay patuloy sa paghataw ang career ni Ria. Mapapanood din kasi siya sa Girl in the Orange Dress na mula sa Quantum Films at tinatampukan nina Jericho at Jessy Mendiola. Looking forward si Ria sa project na ito dahil first time niyang mapapasali sa pelikulang part ng Metro Manila Film Festival.
Bukod sa pelikula, kasama siya sa teleseryeng Halik na pinagbibidahan nina Jericho Rosales, Yen Santos, Yam Concepcion, at Sam Milby.
Bahagi rin si Ria ng isang reality show sa Hong Kong. Kasama ng aktres si Enchong Dee sa naturang show na mula sa action entertainment TV channel na KIX. Balita namin ay sa bandang October this year pa mapapanood ang naturang reality show. Bukod pa rito, si Ria ay may online show pang itine-tape sa ABS-CBN.
ALAM MO NA!
ni Nonie Nicasio
