HATAW! D'yaryo ng Bayan hatawtabloid.com
MAY natukoy nang “person of interest” ang mga awtoridad sa Jeddah, Saudi Arabia kaugnay sa pagkamatay ng isang Filipina na nakita ang bangkay sa isang hotel.
Ayon sa ulat, natukoy ang “person of interest” sa tulong umano ng mga nakalap na CCTV footage.
Hindi muna inihayag ang pangalan ng naturang “person of interest” na hindi umano Filipino.
Bago nakita ang bangkay ng 52-anyos biktimang OFW na hindi pa pinapangalanan, tatlong araw muna siyang nawala.
“We don’t have any information yet on how it looked like when it was found. Ang alam lang natin ay doon sa initial report ng pulis, unknown pa rin ‘yung cause of death,” ayon kay Consul General Edgar Badajos.
Nakipag-ugnayan na ang konsulado ng Filipinas sa mga kaanak ng biktima sa Sarangani.
Sinasabing taong 2007 pa nasa Jeddah ang biktima para magtrabaho sa isang salon.
“We are meeting with her fellow workers tomorrow sa consulate. Pinapunta ko sila, dapat matanong din natin, kasi ‘yung mga iniwan niyang gamit sa kaniyang kuwarto raw. So we want to protect the property,” saad ng opisyal. ‘Person of interest’ tukoy na ng Jeddah authorities.
