“I Love You Hater” suportado ng 30M fans sa digital show ni Kris Aquino

PALABAS na today sa mga sinehan sa buong bansa ang comeback movie ni Kris Aquino with Julia Barretto and Joshua Garcia na “I Love You Hater” na graded B ng Cinema Evaluation Board at GP o General Patronage ratings ng MTRCB na ang ibig sabihin ay for all audience.

At dahil marami ang nabonggahan sa trailer ng Star Cinema movie ay hindi nakapagtataka kung kumita ito sa takilya tapos nariyan pa ang 30 million supporters ni Kris sa kanyang digital show kaya walang duda na aani ng salapi ang comeback project ng “Queen of All Media.”

Saka proven na rin ang lakas ng love team nina Julia at Joshua kaya walang rason para hindi ito tangkilikin.  ‘Yung director din ng movie na si Giselle Andres ay namana yata ang husay ng kanyang mga mentor na sina Direk Olive “Inang” Lamasan at late Direk Marilou Diaz-Abaya kaya’t maayos, maganda, at pulido ang pagkakadirek ng nasabing romantic comedy movie.

VONGGANG CHIKA!
ni Peter Ledesma