Judy Ann Santos balik teleserye sa pagbibidahang “Starla”

TAONG 2013 pa ang huling teleserye ng “Queen of Soap Opera” na si Judy Ann Santos, sa ABS-CBN ar Dreamscape Entertainment at this year ay balik teleserye si Juday sa pagbibidahang “Starla” sa ilalim ng direksyon ni Direk Onat Diaz.

Nag-start na ang taping ng Starla at bago para kay Judy Ann ang gagampanang character na maikli ang hair at laging naka-executive ang attire.

Ilan sa makakasama ng mahusay na actress ay sina Joem Bascon, Kathleen Hermosa, Anna Luna, Meryll Soriano, Gabe Mercado, Simon Ibarra, Bodjie Pascua, Joel Saracho, Janus del Prado, and Joel Torre.

Sa kanyang official Facebook account ay may post ang Kapamilya actress (Santos) na kung kaano-ano raw ba ni Krystala itong si Starla?

Si Juday rin ang bida noon sa Krystala na umere sa ABS-CBN2 noong 2004. Samantala hindi pa man ipinalalabas ang Starla ay nagkaroon na agad ng intriga na ito raw ang ipapalit ng Dreamscape Entertainment sa FPJ’s Ang Probinsyano?

Agad na pinabulaanan ng head ng ABS-CBN Corporate Communications na si Sir Kane Erol Choa ang said issue, na wala pang balak ang management na tapusin ang action-drama series ni Coco Martin.

VONGGANG CHIKA!
ni Peter Ledesma