P1.2-M shabu kompiskado sa follow-up ops sa Pasig

BUMAGSAK sa mga awtoridad ang umano’y huling miyembro ng Bu­ratong drug syndicate, sa ikinasang buy-bust operation at narekober ang 27 medium sachet ng shabu sa Brgy. Pineda, Pasig City, nitong Martes.

Sa ulat ni EPD direc­tor, S/Supt. Bernabe Balba, kinilala ang suspek na si Antonio Intalan, 49, isang construction work­er.

Nakompiska mula sa suspek ang 190 gramo ng ilegal na droga, tinata­yang mahigit P1.25 milyon ang halaga.

Ayon kay National Capital Region Police Office (NCRPO) director, C/Supt. Guillermo Elea­zar, kabilang si Intalan sa Top 10 high value target category level 1 ng Eastern Police District (EPD).

Nabatid na kabilang din ang suspek sa mga miyembro ng Amin Bu­rat­ong Drug Syndicate na nasa likod ng operasyon ng Pasig shabu tiangge.

Dagdag ni Eleazar, ang pagkakaaresto sa suspek ay resulta ng follow-up operation makaraan madakip ka­ma­kailan sa magkahi­walay na buy-bust opera­tion ang iba pang miyem­bro ng Buratong drug syndicate sa Pasig City, at nakompiska ang mahigit P680,000 at P1.36 milyong halaga ng shabu. Si Intalan ay maha­harap sa kasong paglabag sa Republic Act 9165 o Comprehensive Danger­ous Drugs Act of 2002. (ED MORENO)