HATAW! D'yaryo ng Bayan hatawtabloid.com
PALIBHASA hindi kami mahilig manood sa Youtube kaya hindi pamilyar sa amin si Justin Lee na artist ng SMAC TV Productions na super sikat pala.
Nang imbitahin kami ng katotong John Fontanilla sa nakaraang Justin Lee All About Me concert nito sa SM North Edsa Skydome nitong Mayo 22 ay napakunot ang noo namin dahil sa totoo lang hindi nga namin siya kilala.
Sabi ng aming patnugot dito sa Hataw na si Ateng Maricris Nicasio, ”sikat siya, check mo sa youtube.”
Kaya naman habang tinitipa namin ang kolum namin ay talagang pinanood namin ang performances ni Justin kasama ang iba pang artist ng SMAC TV Productions at totoo nga, marami silang fans.
May mini-series ding ipinalalabas ang SMAC TV Productions na marami ang viewers at kung hindi kami nagkakamali ay nasa episode 7 na.
Going back to Justine Lee All About Me concert ay sold out ang tickets at pagpasok namin sa loob ng Skydome ay halos hindi na namin marinig ang boses ng mga kumakanta sa tindi ng tilian at hiyawan ng supporters ng bawat artists na kasama sa show.
Pero nang lumabas na si Justin, susme, mas lalo na kaming walang narinig as in. May boses naman pala ang bagets, may karisma at okay naman din pumorma kaya maraming girls ang tumitili sa kanya.
At take note, halos mag-aalas-dose na ng hatinggabi, grabe pa rin ang energy ng audience samantalang hapon palang ay nakapila na sila sa Skydome, huh!
Ang mga kasama sa show ni Justine ay sina John Roa Francis Lim at ang SMAC talents na sina Mateo San Juan, VMiguel Gonzales at Isiah Tiglao. Naroon din si DJ Alvaro.
Ang Be Happy Go Lucky Host ay sina Klinton Start, Jervy Delos Reyes, Ron Mclean, Rayantha Leigh, Angelia Orna, Kikay/ Mikay, JB Paguio, JM Agaps, Rish Ramos, Joshua Malaluan, Steven Nolasco.
Kasama rin ang Sing like a Pro Top 3: Andrei Tamura, Airick Habijan, Irene Solevilla, at Jayla Villaruel. Ang Justin Lee All about Me Concert ay ipinrodyus ng SMAC TV Productions.
FACT SHEET
ni Reggee Bonoan
