HATAW! D'yaryo ng Bayan hatawtabloid.com
ANYWAY, pagkatapos ng premiere night ng So Connected sa SM Megamall Cinema 7 nitong Martes ay nakatsikahan namin ang dalawang bidang sina Jameson at Janella na kitang-kita ang saya dahil positibo ang reaksiyon ng tao considering na hindi naman sila ang magka-loveteam.
Ang supporters ng bawat isa na nakapanood ay talagang walang tigil ang hiyawan na ibig sabihin ay tanggap nila ang partnership nina Jameson at Janella.
Unang beses palang mapanood nina Kartel at Trisha ang kabuuan ng pelikula nila.
“First time po kasi naming mapanood ng buo ang pelikula at sobrang galing nga talaga ni direk Jason,” masayang sabi ni Janella.
May panghihinayang naman sa parte ni Jameson dahil feeling niya ay hindi niya naibigay ang best niya.
“I’m satisfied with the movie, but I know I can do better. I mean, I’m satisfied naman with my performance but for me, I know I can do better (pa). Some changes but all in all okay naman that was good,” katwiran ng binata.
At ang reaksiyon ni Janella sa supporters na hiyawan ng hiyawan sa loob ng sinehan, “Ang saya-saya nga kasi upon hearing their reactions, it validates you as an artist, sobrang nakatutuwa at nakakikilig na ganoon ang reaksiyon nila, masaya.”
Ayon naman kay Jameson, relatable sa kanya ang karakter niyang Kartel, “medyo nakare-relate ako sa character ko na tahimik lang, mahiyain, kaunti lang ‘yung adjustments na ginagawa ko.”
Posibleng masundan ang tambalang Jameson at Janella dahil bagay sila sa malaking telon at talagang cute nila.
“We’ll see pag may in-offer, doon ko ide-deal,” say ng dalaga.
“I’m open for suggestions naman,” sabi naman ng binata.
Kinilig ang dalawa sa eksenang hinahanap ni Kartel si Trisha at ‘yung kinukunan ng dalaga ang binata ng hindi nito alam, kami rin gusto namin iyon, ‘di ba Ateng Maricris. Pati ang mga sweet moment nila at pagkikita nila pagkalipas ng dalawang taon.
FACT SHEET
ni Reggee Bonoan
