Kris, ‘wag sayangin ang precious time sa bashers

AND The Patola Award goes to…Kris Aquino!

These days ay very active si Kris sa social media. Sa katunayan, dalawang magkasunod ang ginawa niyang pagpatol sa mga basher na 1.) pinaratangan siyang magnanakaw at 2.) may pasaring sa kanyang pagiging kabit noon.

Hindi pinalampas ni Kris ang mga comment na ‘yon, kuntodo paliwanag siya sa mga bumatikos sa kanya gayong kung hihingin ang aming opinyon ay isang malaking pag-aaksaya ng precious time ang ginawa ni Kris.

Sa isyu ng pagnanakaw ay alam naman ng lahat na ang akusasyong ‘yon ang pinakahuling maaaring ikaso sa tulad ni Kris na nangunguna pa nga sa pagbabando bilang top tax payer.

On the issue of pagiging mistress ay wala na ring bago roon, kaya sabi nga ni Kris ay subukan naman ng basher na bagong isyu ang ibutas laban sa kanya.

Kung tutuusin, more than anybody else ay si Kris mismo ang nakaaalam kung ano ang totoo sa hindi. At dahil hindi rin naman lingid sa kaalaman ng sambayanan ang katotohanan, why waste her precious time para sagutin at patulan ang mga basher na ‘yon na halata namang binubuwisit lang siya?

Sino ngayon ang nagwagi sa asar-talo na uri ng cyber game na ito, eh, ‘di si Kris din?

May kasabihan o panuntunan sa buhay na “Choose your battles.” Now at 47, imposibleng sa taglay na talino ni Kris ay hindi niya alam kung anong giyera ang dapat sinusuong at kung ano naman ang karapat-dapat dinedma na lang.

Kaya sa ‘yo, Kris, do not only choose your battles. Win them!

HOT, AW!
ni Ronnie Carrasco III