HATAW! D'yaryo ng Bayan hatawtabloid.com
HINDI na matandaan ng kambal na Atasha at Andres Muhlach (anak nina Charlene at Aga Muhlach) kung kailan at anong edad nila ginawa ang kauna-unahang Jollibee commercial.
Sa launching nga Isa pang Chickenjoy! commercial ng Jollibee, hindi matiyak ng magkapatid kung anong edad nila dahil ayon nga kay Charlene, napakabata pa ng mga iyon.
“Hindi nila matandaan kasi parang hindi naman work ‘yon sa kanila, laro lang,” sambit ni Charlene na naiyak pala nang makita ang commercial ng kanilang mga anak. “Sentimental kasi ang bagay na ito sa akin,” dagdag pa ng dating beauty queen.
Apat na taon lamang pala ang kambal nang gawin ang Dito sa Jollibee, Dito ang Saya na tanging ang kanilang amang si Aga (tulad din ng sinabi nito) ang nagsasalita at nagtatrabaho dahil naglalaro kapwa ang dalawang bata.
Pero bago ito, ang magaling na actor ang kauna-unahang endorser ng Jollibee. Nasa edad 20 o 21 lamang noon si Aga at ayon nga sa manager nitong si Manay Ethel Ramos, ‘binata pa si Aga noon.’
Sumunod na ginawa ng mag-anak ang Bida Ang Saya! noong 2006 at nasundan ng kay Aga iyong Isa Pa, Isa Pang Chicken Joy kasama si Serena Dalrymple.
At ngayong 2018, nagbabalik ang Muhlach family para sa Isa pang Chickenjoy! Jollibee commercial at sa 40 taong homegrown fast-food brand. Kaya nga Mula Noon, Hanggang Ngayon, Muhlach family sa Jollibee. Malaki na ang kambal na ngayon ay 16 taong gulang na kaya naman dalagang-dalaga na ang hitsura ni Atasha at si Andres naman ay 6’1″ na ang taas.
Ang kasalukuyang Chickenjoy TV commercial ay nagsimulang iere noong Enero 2018 ay nagpapakita ng bagong side ng pamilya Muhlach. Sa ad, ipinakikita kung paano naging parte ng kanilang pamilya ang naturang pagkain. At tulad ng ibang pamilya, ang pagkain ng sama-sama ay isang paraan ng masaya at magandang family bonding at para ipagdiwang ang pagsasama-sama nila sa isang paboritong lugar na kinalakihan at nakasanayan na.
Kaya naman sa Mula noon, hanggang ngayon, ang tanging nasabi ni Aga ay, “Chickenjoy has been a constant presence in my life. Not only because of all the projects I did with Jollibee but because it really is my favorite fried chicken. From the crispylicious skin to the juicylicious, malinamnam meat that you dip in the gravy, Chickenjoy relly hits the spot when it comes to flavor na ‘di ko malilimutan.”
SHOWBIZ KONEK
ni Maricris Valdez Nicasio
