HATAW! D'yaryo ng Bayan hatawtabloid.com
NANGHIHINAYANG pala ang manager ng kilalang singer na hindi nakapasok sa Singer 2018 dahil si KZ Tandingan ang napili ng taga-Hunan TV.
May nagtsika sa amin na naghahanap din ang manager ng kilalang singer ng singing competition sa ibang bansa na puwedeng salihan ng alaga niya.
Nag-audition ang magaling na singer sa Singer 2018 pero hindi siya ang napili dahil si KZ nga ang gusto.
In fairness, magaling at mahusay ang singer na bida sa blind item namin pero hindi siya nagustuhan ng taga-Hunan TV.
Inisip namin kung bakit hindi siya nakapasa sa audition baka kasi wala namang bago sa estilo niya bilang singer na hindi katulad ni KZ na kakaiba, sabi nga ng dalaga, ”buti nagustuhan nila ang pagiging odd ko.”
Pero binibigyan pa rin namin ng benefit of the doubt ang magaling na singer na baka sa susunod na season ay isa na siya sa challenger ng Singer 2019.
Laging talunan sa singing competition ang magaling na singer, pero kilala naman na siya ngayon dahil in-absorb siya ng TV network na pinagta-trabahuan niya ngayon.
FACT SHEET
ni Reggee Bonoan
