Wednesday , February 21 2024

KZ, naiyak nang makaharap si Jesse J

UNFORGETTABLE kay KZ Tandingan ang pagkakasali niya sa singing competition sa China na Singer 2018 na ginanap nitong Sabado ng gabi dahil kung tama kami ay first time niya ito sa labas ng bansa. Produkto siya ng X Factor noong 2012.

Kaya hindi niya malilimutan ay first attempt niya as challenger sa 5th weekly episode ng Singer 2018 ay siya pa ang nakakuha ng 1st place at tinalo niya ang idolo niyang si Jessie J na nakuha naman nito ang 2nd place at sinundan nina Hua Hua at Wang Feng para sa ikatlo at ikaapat na puwesto.

Kinanta ni KZ ang Rolling in The Deep ni Adelle na hinaluan niya ng Pinoy rap na ikinagulat ng mga nanood at lahat ay nakanganga sa performance ng small but terrible talent ng Cornerstone Entertainment.

In fairness, ang ganda ng performance rin ni Jesse J sa awiting Ain’t Nobody na sinasabayan pa siyang sumayaw ng manonood at talagang hindi mo aakalain na matatalo siya ni KZ.

Sabi nga ng manager ni KZ na si Erickson Raymundo, “magagaling lahat. Professional singers kasi lahat at saka ‘di mo pa rin alam ano gusto ng Chinese market. Pero may laban si KZ talaga. Jesse J is consistently good.”

Samantala, may natitirang nine weekly episodes pa ang Singer 2018 kaya mahigit dalawang buwan pa ang hihintayin ng Pilipinas kung maiuuwi ng ating pambato ang titulo.

Kuwento nga ni Jeff Vadillo, VP ng Cornerstone, “hi Reggee, weekly ‘yung competition so as long as hindi si KZ nasa lowest spot tuloy lang siya sa show, 14 episodes ang show nasa 5th na tayo.”

Base sa napanood naming mechanics ng Singer 2018 ay nagsimula ito noong 2012 at mala The Voice ang concept na ang pagkakaiba lang ay puro professional singers ang iniimbitahang sumali sa kompetisyon at ibinase nila ang pagpili sa mga napanood nilang music videos.

Samantala, bago pa nagsimula ang kompetisyon ay nagkita sina KZ at Jesse J sa waiting room na ikinagulat ng Pinay na singer dahil nga isa ang Amerikanang singer sa inspirasyon niya sa pagkanta.

Kaya naman nang yakapin siya ni Jesse J ay talagang napaluha siya sa sobrang galak at naikuwento niya ang naging problema niya sa boses niya noon.

Bumaha ang pagbati kay KZ sa social media at sabay post na rin ng performance niyang awitin ni Adelle na Rolling in the Deep na labis na hinangaan ng mga Chinese kasama na ang mga katunggali.

Kahapon,Linggo dumating si KZ at maghihintay na lang ulit siya kung kailan siya ipatatawag para sa susunod na episode.

FACT SHEET
ni Reggee Bonoan

About Reggee Bonoan

Check Also

Vilma Santos Christopher de Leon Nora Aunor

Noranians pikon pa rin, ‘di matanggap pinakamatibay na loveteam ang Vilma-Boyet

HATAWANni Ed de Leon HALATA mong napipikon ag mga Noranian basta sinasabing ang pinaka-matibay na love team …

Zanjoe Marudo Ria Atayde 2

Zanjoe, Ria engaged na: Forever sounds good…and tastes even better!

SHOWBIZ KONEKni Maricris Valdez Nicasio ENGAGED na ang celebrity couple na sina Zanjoe Marudo at Ria Atayde. Kahapon, kapwa …

Alma Concepcion Rhea Tan Beautederm

Alma Concepcion, napaiyak nang bigyan ng 450K diamond ring ng Beautéderm CEO Rhea Tan  

ALAM MO NA!ni Nonie Nicasio NASORPRESA si Alma Concepcion at hindi napigilan ang pag-iyak nang …

Celeste Cortesi

Celeste Cortesi tapos na pageantry pokus na sa pag-aartista

RATED Rni Rommel Gonzales WALA pang plano na muling sumali sa anumang beauty contest si Celeste …

Nadine Lustre Faces and Flora National Museum

Mukha ni Nadine ibinalandra sa National Museum

MATABILni John Fontanilla TAMPOK ang mukha ni Nadine Lustre sa Faces and Flora: A Philippine Native Plant Photography …

Leave a Reply

Your email address will not be published. Required fields are marked *