LILIPAD patungong China ang manager ni KZ Tandingan na si Erickson Raymundo bukas, Huwebes para samahan ang alaga sa sasalihan nitong kompetisyon na may titulong Singer 2018.
Kuwento sa amin ni Erickson nang makita namin siya sa bagong opisina ng Cornerstone sa tabi ng ABS-CBN.
“Hindi ko nga kilala kung sino-sino ang mga kasama, basta tinawagan lang si KZ, puro Chinese ang kasali, dalawang bansa lang ang hindi Chinese, si KZ at isa pa, nakalimutan ko.
“Wala pa akong detalye kung anong mangyayari kung mananalo, kung kailangang mag-stay doon. Hindi ko nga rin alam kung ano ‘yung contest piece,” say ni Erickson.
Ayon naman sa report ng ABS-CBN news, pawang sikat na singers ang makakalaban ni KZ sa kompetisyon tulad nina Jessie J-UK; Tien Chong – Hong Kong, Angela Chang – Taiwan; Li Xiaodong, Wang Feng, James Li, at Juno Su -China.
FACT SHEET
ni Reggee Bonoan
