HATAW! D'yaryo ng Bayan hatawtabloid.com
“I WANT a good film na worth ‘yung pagod.” Ito ang tinuran ni Paolo Ballesteros matapos manalo ng Best Actor award sa Tokyo Film Festival at Metro Manila Film Festial kaya naman gusto niyang magpatuloy sa paggawa ng pelikula.
Kaya ngayong Pebrero, muling matutunghayan si Paolo sa handog ng Viva Films, ang Amnesia Love sa isang karakter na naghahanap ng kanyang tunay na katauhan.
Itoý idinirehe ni Albert Langitan, na nagsimula bilang scriptwriter, hanggang sa nagdirehe ng reality shows at teleserye gaya ng Impostora at Super Ma’am.
Kaya sa pagsasama nina Langitan at Ballesteros sa kanilang pagkamalikhain at dedikasyon sa trabaho, nakabuo sila ng isang laugh-out-loud na pelikula na mahirap kalimutan.
Kasama rin sa pelikulang ito ang sweet at seksing ni Yam Concepcion na unang nakilala sa 2012 adult drama, Rigodon na idinerehe ni Erik Matti.
Ang Amnesia Love ang maituturing na reunion film nina Paolo at Yam. Una silang nagkasama sa 2016 blockbuster movie, Bakit Lahat ng Gwapo May Boyfriend?! kasama ang Kapuso star na si Dennis Trillo at ang Princess of All Media na si Anne Curtis.
Bukod kina Paolo, Yam, Lander Vera Perez, at Maricel Morales, kasama rin sa pelikula sina Polo Ravales, Vandolph Quizon, Geleen Eugenio, at Sinon Loresca. Mapapanood ang Amnesia Love sa mga sinehan simula Pebrero 28.
