Kris, patuloy na nabibiyayaan (kahit ‘di maganda ang 2017)

SA kabila ng mga hindi magandang nangyari kay Kris Aquino noong 2017, iginiit ng Queen of Online World and Social Media na wala na siyang mahihiling pa para sa kanyang ika-47 kaarawan sa February 14.

Ani Kris sa contract signing ng kanyang ika-40 brand partner at endorsement, ang Healthy Family Purified Water noong Lunes, nahihiya na siyang humingi ng anuman dahil tuloy-tuloy ang pagdating ng biyaya sa kanyang buhay ngayon.

Pagkatapos ng kanyang Crazy Rich Asians project at bagamat wala siyang TV Network ngayon, naging maganda naman ang pagkakabuo niya sa Kris Cojuangco Aquino Productions (KCAP) para sa kanyang web shows na regular na napapanood sa Facebook at YouTube.

Nagkaroon kasi siya ng 40 brand partner at endorsement, na posible pang madagdagan at nakatakda rin siyang gumawa ng exclusive horror project para sa internet TV service provider na iFlix.

Kaya imbes na humiling para sa kanyang kaarawan, ibabahagi pa niya ang blessings sa mga nangangailangan. Ito ay ang pagbabahagi ng ibabayad sa kanya ng kasalukuyang endorsement sa Greenbelt Chapel sa Makati.

Aniya, sinabi na niya ito kay Father Jun Sescon. “Sabi ko, ‘Thank you for praying for me continuously.’

“As you said… I don’t think it’s correct to be earning the kind of money I’m earning and not spreading it and not sharing it.

“Parang ano ‘yan, eh, I don’t think the blessing will continue if I was just being selfish about it.”

Giit pa ni Kris, “Sabi ko, that’s my birthday offering for them. That’s what makes it special, I think, because of these and everything good happening in my life, nadaragdagan

“So, yun, I really believe in giving back,” dagdag pa ni Kris.

SHOWBIZ KONEK
ni Maricris Valdez Nicasio