Rodjun, nag-propose na kay Dianne

MARAMI ang natuwa na matapos ang 10 taong pagde-date, inalok na ng kasal si Dianne Medina ni Rodjun Cruz.
Naganap ang pagpo-propose ni Rodjun sa ika-30 taon niyang kaarawan habang nasa bakasyon sila.
“In God’s perfect time,” pagbabahagi ni Dianne sa kanyang Instagram account noong Martes nang i-share niya ang magandang balita.
Roo’y ibinahagi niya ang litrato nilang dalawa na mangiyak-ngiyak si Dianne nang lumuhod si Rodjun habang iniaabot ang singsing.
Ang kapatid ni Rodjun na si Rayver ang kumuha sa tagpong iyon at sinabing, “Kay tagal kong inantay ang araw na ito. Mahal na mahal ko kayong dalawa sobra. Congrats guys!”