HATAW! D'yaryo ng Bayan hatawtabloid.com
THE WHO si congresswoman na kapag tumataas ang blood pressure ay nalilimutan yata na siya ay honorable o kagalang-galang.
Itago na lang natin sa pangalang “Sobrang Talakera” or in short “ST” si madam congresswoman, kasi naman wala siyang pakialam sa tao kahit na marinig at makita ang mala-rapidong bunganga kapag nagagalit.
Hik hik hik hik…
Ayon sa ating Hunyango, bumula raw ang bibig ni congresswoman at pinagdiskitahan ang mga staff niya na nasa gallery ng plenaryo sa Kamara dahil hindi nagustuhan ang naging takbo ng hearing na kanyang dinaluhan.
Har har har har har har!
Ano ba ‘yan!
Bulong sa atin, bigla raw kasing tinapos ni Deputy Speaker ang budget hearing na nasa 2nd reading na samantala umeepal pa ‘este, umaapela pa si congresswoman pero hindi na pinakinggan pa ang kanyang argumento.
Ang nangyari nga, biglang nagsisisigaw sa plenaryo at nagalit nang husto sa kanyang mga staff si congresswoman dahil mali raw ang itinuro sa kanya!
Nasisi pa tuloy, kasi naman dinedma n’yo e.
Habang nagaganap ang pagputak ni Madam ST sa kanyang mga staff, may isang abogada na nakasaksi sa eksena at kinuhaan daw ng video ang pag-aalboroto ni Madam Mambabatas.
Isa sa staff ni Madam ST ang bumulong sa kanya na kinukuhaan siya ng video kung kaya’t biglang binago ang pagiging ‘beast mode’ sabay lapit sa abogada at kinompronta kung kinukuhaaan nga ba siya pero itinanggi nito.
Sa kagustuhan na masigurong ‘di nga siya kinukuhaan aba’y nagpumilit pa si Congresswoman na makita ang cellphone ni abogada na nanindigang ‘wag ipakita sa kanya.
‘Yon lang pahiya si Ate.
Ma’am nalilimutan mo yatam pag-aari niya iyon.
Napag-alaman pa natin na marami na raw kakatwang eksena ang ginagawa ni Madam sa Kamara kung kaya’t pinagtatawananan siya ng kanyang mga kabaro.
Heto lang ang maipapayo ko sa iyo congresswoaman… Tantanan mo na ang ganyang style! Tantantantantananan mo na!
Para ‘wag magmukhaang comedy bar ang Kamara.
Ngak ngak ngak ngak ngak!
Kilalaninin kung sino si Madam Sobrang Talakera!
****
Siya nga pala nais kong batiin ang magigiting at masisipag na mga nurse at staff ng Padre Pio hemodialysis center lalo na kina Aeron Cruz at Rochelle Dela Cruz mabuhay kayo!
THE WHO? SCANDAL
ni Jethro Sinocruz
