Billy Crawford sa pagho-host ng LBS — It’s not a competition sa host, ang big star dito ay ang mga kabataan

TUNAY ang tinuran ni Tito Nestor Cuartero, editor ng Tempo kay Billy Crawford matapos maipakita ang unang episode na ipalalabas sa Sabado, ang Little Big Shots sa ABS-CBN na rebelasyon ito sa pakikipag-usap sa mga batang itinatampok nila na ang mga edad ay 2 hanggang 12.

Bukod kasi sa batang kakaiba ang galing na ipinakita nila, mahusay na naka-relate si Billy sa mga bata siguroý dahil nga sa dati ring child actor si Billy.

Very educational, inspiring, entertaining, challenging, magnificent, surprising, very shocking, ang LBS na talaga namang bagay na bagay kay Billy.

“Hindi ko po inisip na makukuha ko ang show,” panimula ni Billy ukol sa bagong show na iho-host niya. “I just found out the show recently lang. Nabalitaan ko from the States kay Steve Harvey.

“Hindi ko rin po alam kung bakit napunta sa akin. But the best thing to say is, I’m really thankful. It’s not a competition sa host, hindi ang host ang pinaka-importante, ang pangalan po given na po kaya ang big star natin dito ay ang mga kabataan.”

Iginiit pa ni Billy na, “It’s a challenging role for me to play kasi I would expect like Steve Harvey, mga parents na sila, para sa akin ninerbiyos ako dahil wala pa akong anak pero mahilig ako sa mga bata, mahilig akong makipaglaro sa bata. I guess talagang bigay na ni Lord ito sa akin. I couldn’t ask for more.”

Ipinaliwanag naman ng business unit head na si Louie Andrada kung paano napunta ang hosting job kay Billy. “Ang totoo po niyan nagpa-audition kami para sa host, this is the first time na makakatrabaho namin ang warner. Sila ang may final say kung sino ang magho-host, we sent them the videos tapos sila po ang nag-decide, and sabi po nila Billy has the best chemistry with the kids.”

Iginiit pa ni Billy na hindi niya ine-expect na mapupunta sa kanya ang pagho-host sa LBS.

Kaya panoorin na lang ninyo ang LBS para mag-enjoy din kayo at para makita rin ninyo kung paano nakipagkuwentuhan o nakipagkulitan sa kanila ang international star na si Billy sa kanilang pagbabahagi ng kanilang kuwento sa Sabado at Linggo, Agosto 12 at 13.

SHOWBIZ KONEK – Maricris Valdez Nicasio