Ang mala-kontrabidang peg ni senadora bow

 

THE WHO si Madam Senadora na bukod daw sa certified ‘maldita’ ay ‘switik’ pa?

Tip ng Hunyango natin, para raw siyang nakapanood ng teleserye sa ginawang pananakit ni Madam sa isang empleyada nila.

Kuwento sa atin, minsan habang nasa opisina ang magaling na Senadora pumasok ang Executive Staff ng kanyang asawa at nakalimutang mag-excuse.

Aba ang tinamaan ng magaling, pinagsa-sabunutan at sinampal-sampal ang kawawang empleyada na napaiyak na lamang.

Ganyan ang ugali nitong si Madam na parang “chakang viking.” Opo ang fanget na Viking.

Bilang patunay riyan, minumura raw ni chakang viking ang mga empleyado niya na blue collar job ang nature ng trabaho kapag marumi o pangit ang uniporme!

Anak ng pitong demonyo, Madam, blue collar job nga e natural marurumihan talaga!

Ang gusto yata naka-barong o naka-long sleeves habang nasa arawan at maalikabok na lugar ang mga empleyado ninyo?!

Utang na loob!

At hindi nga lang ‘yan dahil bukod sa pagiging maldita ay napakagulang pa raw ng public servant kuno dahil kinakaltasan niya ng contribution sa SSS at Philhealth ang mga trabahador pero hindi inire-remit?!

Violations ‘yan Madam Senator!

Kilalanin kung sino si Madam Senadora Malditas…

Habang hinhulaan ninyo, kakain muna ako ng unli-rice habang hindi pa bawal!

THE WHO? Scandal – ni Jeth Sinocruz