HATAW! D'yaryo ng Bayan hatawtabloid.com
NAIBENTA na pala ang Paskuhan Village.
Mantakin n’yo ‘yun. Tahimik na tahimik na naibenta ni Mark Lapid ang Paskuhan Village?
Wattafak?!
Naibenta pala ang 10-ektaryang Paskuhan Village noong 2016 nang siya ay nanunungkulang general manager ng Tourism Infrastructure amd Enterprise Zone Authority (TIEZA) dating Philippine Tourism Authority (PTA).
Ngayon, pinadalhan ng summon ang dating gobernador ng Pampanga ng House committee on good governance and public accountability upang pagpaliwanagin sa naganap na ‘tahimik’ na bentahan ng Paskuhan Village.
Nagkakandakumahog ang mga opisyal ng provincial at local government ng San Fernando upang mabawi ang nasabing propriedad.
Ganoon din ang Commission on Audit (COA) dahil klarong-klaro na hindi dumaan sa kanilang tanggapan ang pagbebenta sa Paskuhan Village.
Hinihintay din ng House committee ang legal opinion ng Department of Justice (DoJ) sa nasabing usapin.
Mukhang mamalasin si Mark sa ginawa niyang pagbebenta ng Paskuhan Village.
Sumablay ang kasabihan ng mga Pampangueño na, “Subukan pamu para mabalu.”
Tsk tsk tsk…
K
KOTONGERONG ENFORCERS
WALANG PUWANG
SA BAGONG ANYO NG MTPB
Wala nang dahilan para mangotong pa ang traffic enforcers ng Manila Traffic and Parking Bureau (MTPB).
Ayon sa ilang job order ng MTPB na nakausap natin, ngayon ay nakatatanggap na sila ng P12,000 allowance sa loob ng isang buwan.
Hindi gaya dati na ang kanilang kita ay mula sa kotong ‘este komisyon (quota system) kaya wala silang ginawa kundi ang mag-abang ng mahuhuli imbes ayusin ang trapiko.
Kung dati ay sandamakmak ang MTPB enforcers na halos umaabot ng 600 katao, ngayon 200 na lang sila.
Sandamakmak ang ghost ‘este traffic enforcers noon, pero hindi man lang magawang resolbahin ang traffic sa Maynila, ngayon, relatibong lumuluwag na ang trapiko.
Mapapansin ninyo na hindi na ganoon kasikip ang trapiko lalo ang patungong Binondo area. Nakapaninibago nga na nakikita nating maluwag lagi ang Jones Bridge.
Napapansin din natin na mas disiplinado ang MTPB enforcers ngayon kaysa dati.
Maayos ang uniporme at aura ng traffic enforcers kompara noon na mukhang mga goons.
Natutuwa tayo na nakahanap ng mga dedikadong tao ang MTPB para pagaanin ang daloy ng mga sasakyan sa Maynila.
By the way, MTPB chief, Mr. Dennis Alcoreza, isa na lang ang inirereklamo ng mga tao, ‘yung hindi flexible na pagsasara ng daanan ng SM Manila papasok sa kanila mula sa Arroceros St. (ngayon ay Mayor Arsenio J. Villegas St.) palabas sa San Marcelino St.
Ang nangyayari tuloy nag-iimbudo ang mga sasakyan. Puwede naman nilang lagyan ng impormasyon na puwedeng pumasok ang mga patungo sa parking area. Para hindi na umikot at hindi na makadagdag sa volume ng sasakyan patungong San Marcelino.
Dapat din sigurong kausapin ng MTPB ang SM Manila na magkaroon ng isang drop-off point. Puwede namang maglakad na ang mga tao papunta sa iba’t ibang entrance. Para mabilis na mabawasan ang volume ng mga sasakyan.
At higit sa lahat, dapat na maging mahigpit si Alcoreza sa mga kolorum na van at mga ilegal na terminal.
Sa ngayon, kinikilala namin ang pag-aayos ninyo ng MTPB enforcers at pag-aangat sa kanilang kalagayan.
Sana’y magtuloy-tuloy na ‘yan at doon ay tuluyan na nating masasabi na naiiba ka MTPB chief Alcoreza.
Ayos!
SINO ANG ‘SINGIT’
SA BIYAHE
NI PRRD SA RUSSIA!?
KA JERRY, sino ba ang dating asawa ng isang nakaupong senador ang nakasama sa foreign trip (Russia) ni Pangulong Duterte?
Nakasali siya bigla sa biyahe dahil siya umano ay isang negosyante at presidente ng kaniyang sariling kompanya na nagbebenta ng pharmaceutical ingredients at medical devices.
Totoo ba nang sinilip ang records sa SEC at pati na rin sa DTI ay walang nakarehistrong pangalan ng sinasabing kompanya?
Nang pinuntahan daw ang nakalistang address ng opisina ng kompanya ang gusali ay abandonado na.
Totoo ba na nasisingitan at nalulusutan ang listahan ng official delegates sa mga state visit ng Pangulo ng Filipinas?
– Email withheld upon request
DAYUHANG
TERORISTA
