Human trafficking at pokpokan sa spa-kol lantaran sa Malate, Maynila

MAY isang ‘spa-kol’ na namamayagpag diyan sa Malate, Maynila.

Mukhang spa sa labas pero spa-kol sa loob na nag-aalok ng iba’t ibang uri ng ‘serbisyong’ nakakikiliti’t nagbibigay nang walang kahulilip na aliw sa kanilang mga kliyente.

Aba, daig pa raw ang bomba nukleyar na ibinagsak sa Hiroshima kapag nagsasabog ng ‘serbisyo’ ang mga inilalakong super guest therapist (SGT).

May serbisyong ‘twin slippery massage’ at mayroon pa raw Shogun spa massage.

At ang pinagkakaguluhan ng mga suki — ang “just do it quickie.”

Wattafak!?

At sa lahat umano ng serbisyong ‘yan, it will worth your peni…‘este penny.

Hanep ang marketing ng spa-kol parang Hiroshima sa bagsik ng ‘bomba nukleyar.’

Pero ang higit na nakapagtataka bakit nakalalampas ito sa metikulosong pang-amoy ng PNP at NBI at Manila city hall?

‘Sinipon’ ba sa  libreng spa ang ilong ng mga protektor na nagpapakilalang taga-city hall?!

How about Manila Police District (MPD), hindi ba kayo ‘natatalsikan’ ng bomba nukleyar na gaya sa Hiroshima sa tindi ng operasyon ng spa-kol?!

Baka naman namanhid ang buong katawan ng mga lespung regular client ng sikat na spa-kol sa Malate?!

Ano sa tingin ninyo, S/Supt. Jigz Coronel?!

Aba, kung tila nabagsakan ng bomba nukleyar gaya sa Hiroshima ang mga opisyal ng Manila city hall at mga lespu ng MPD dahil para silang mga ‘inutil’ sa pagtupad ng kanilang tungkulin panahon na siguro para manghimasok ang Inter-Agency Council Against Trafficking (IACAT).

Paging IACAT!

BAKIT PABORITO RAW
NG MPD SIBAMA PCP ANG ELIAS St.,
STA. CRUZ MAYNILA?
(Attn: MPD DD Joel Napoleon Coronel)

‘Yan po ang tanong ng ilang matatandang residente na naninirahan sa nasabing lugar.

Suki na raw kasi ng SIBAMA PCP ang mga eskinita at sulok ng Elias St., Sta. Cruz, Maynila, reklamo ng mga antigong residente sa naturang lugar e Sta. Cruz ang kanilang address at hindi naman Sampaloc!

Ibig sabihin nga naman e sakop o AOR ng MPD PS3 ang nasabing lugar, kapiraso lamang raw kasi ang PASOK ‘este nasasakupan ng MPD PS4 SIBAMA PCP.

Kaya nagtataka sila kung bakit pati lupa ng may lupa e tinatawid at pasok raw sa banga?!

Lagareng hapon umano ang SIBAMA PCP pero nagtataka ang mga residente, bakit madalang pa sa patak ng ulan na may mahuling tulak ng droga sa kalye Elias!?

Notoryus umano ang dalawang PO1 mula sa SIBAMA PCP dahil sa loob ng isang araw e halos tatlong beses na nagpapabalik-balik sa ilang haybol at eskinita sa lugar?!

MPD chief, Gen. Napoleon Joel Coronel sir, may info na ilang tulis ‘este pulis ang umaaktong financier sa mga tulak ng ilegal na droga sa nasabing lugar?!

Madaling makapa ang mga ‘yan sir, paki-postehan lang ang mga tulak na sina alias Hazel, Willy at mga dagang-dingding na mayroong palarga kaya namumunini na naman sa droga ang nasabing area.

Ito ang isang malaking problema ng MPD PS3 sa nasasakupan nilang lugar na ‘yan, bunsod ng ‘PALARGA’ ng mga nabanggit na nagbebenta ng droga na nasa lupa ng SIBAMA PCP at tumatawid hanggang sa AOR ng PS3.

MPD DD CSupt. Jigz Coronel, kayo na po ang maghusga at mag-imbestiga!

TOP ROYAL OPEN ULIT
SA SEX TRAFFICKING

SIR Jerry, malakas talaga ang Top Royal Sauna sa Tomas Mapua at Ongpin streets, bukas na naman. Pamangkin ko nagkasakit ng tulo d’yan. Dapat ipasara na ‘yan ni Mayor Erap!

+63915821 – – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap