Lipa Mayor Meynard Sabili and wife ma-swak na kaya sa Sandiganbayan?!

NABIGO ang mag-asawang Lipa Mayor Meynard Sabili at Bernadette Palomares na ibasura ng Ombudsman ang kasong violations of anti-graft and corrupt practices laban sa kanila dahil hindi nila napatunayan na walang probable cause ang reklamo sa kanila

Noong Agosto 2016, naghain ng graft charges ang Ombudsman laban sa mag-asawang Sabili dahil sa isang kontrata sa isang radio station na pag-aari ng babaeng Sabili (dating Palomares).

Naniniwala ang Ombudsman na mayroong pinansiyal na interes ang mag-asawa sa nasabing kontrata dahil ang BPS Broadcasting & Media Services na pag-aari ni Palomares ay nakakuha ng P360,000 one-year radio program sa Lipa City government na ang pinunong ehekutibo ay si Mayor Sabili.

Ang nasabing kontrata umano ay para mai-ere ang public service program, “May Maaasahang Serbisyo” na nagsimula noong Enero 2012.

Itinanggi ng mag-asawa na noong maaprubahan ang kontrata ay hindi pa umano sila sakal ‘este kasal, pero ayon sa reklamo ay nagsasama na bilang mag-asawa ang dalawa.

Kaya marami ang nagtatanong ngayon, ma-swak na kaya sa Sandiganbayan ang mag-asawang Sabili?!

Sakaling ma-swak man sila, wala naman sigurong dapat ipag-aalala si Mayor.

Lalo’t balitang nanalo ng multi-milyong pisong jackpot sa slot machine si Yorme?

Pero sabi nga ng matatanda, kapag may saya, may lungkot.

Sa ngayon, mas makabubuting harapin ni Mayor Sabili at ng kanyang misis ang nasabing asunto para naman maipagtanggol na nila ang kanilang sarili…

Ganyan talaga ang life, Yorme…

Minsan jackpot, minsan silat.

GUSTO ANG BANAT
SA MGA TIWALING PULIS

BOSS Jerry, ituloy n’yo lang po ang maganda at nararapat na banat ninyo para mabulabog ang aming mga kabaro na aktibong lespu na nagpayaman lamang gamit ang aming uniporme. Ingat at mabuhay po tayo boss Jerry.

— Email from Concerned MPD pulis bulabog boy.MpdIn—Boy@yahoo.com

TAWID-LUPA ANG MGA MANDO
AT OSDO SA MALATE AT ERMITA!
(ATTN: MPD PS5 AT PS9 BAGMAN!)

SIR Jerry, reklamo ko lang po ang mga MANDO-rukot at OSDO na palakad-lakad sa Ermita at Malate area, tawid-lupa ang mga loko-loko Sir na wala nang pinipiling biktimahin. Nakatambay lang malapit sa isang mall sa Ermita habang umii-spot ng biktimang dudukutan sabay sakay ng dyip. Sa Harrison naman iistambay at maglalakad-lakad, paulit-ulit lang ang kanilang modus na matagal na ho namamayagpag at hindi masawata ng awtoridad. Totoo po kaya ang sabi-sabi na baka alaga ng ilang antigong lespu ang ilan sa mga tirador na ‘yan?

+63916971 – – – –

REKLAMO SA GALLANG
SECURITY AGENCY

Gud pm sir,baka pwede po kami tulungan tungkol sa aming agency gallang security. hanggang ngayon po hindi pa nla binibigay ang aming dagdag sahod 10p sir. saka sss at pagibig namin walang hulog. pag di mo asikaso hindi nila hulugan sir.pakibulabog naman sir. more power 2 u en god bles u sir.

+63999570- – – –

REAKSYON
KAY JIM PAREDES

Nakakahiya yan c jim paredes, parang idadamay nya ang mga kabataan sa matanda nyang pananaw sa demokrasya.

+63915882- – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap