‘Paandar’ at ‘Aberya’ the unsynchronized spokespersons of Malacañan Palace

‘BARADO’ ba ang komunikasyon o hindi nag-uusap sina PCOO Secretary Martin ‘Paandar’ ‘este Andanar at Presidential Spokesperson Ernesto ‘Aberya’ Abella kung kaya magkaiba sila ng sinasabi tuwing humaharap sa media?!

Gaya ng isyu ng P2 bilyong pondo na ilalaan ni Pangulong Rodrigo “Digong” Duterte para sa relief operations ng mga biktima ng 6.7 magnitude lindol sa Surigao City.

Ito ang inihayag ng Pangulo nang dumalaw siya sa Surigao sa harap ng mga biktima ng lindol, na maglalaan siya ng P2 bilyong pondo.

So kinabukasan, naglabasan itong banner story sa mga pahayagan. Dahil malaking istorya talaga na ang isang Pangulo ay maglaan ng P2 bilyon sa isang  kalamidad. Hindi kasi P2 bilyon ang inilaan ng dating administrasyon nang wasakin ng lindol ang Bohol.

Pero itinanggi ito ni Secretary Paandar ‘este Andanar kinabukasan.

Wattafak!?

Ang P2 bilyon daw na sinabi ng Pangulo ay para sa mga kababayan natin na mawawalan ng trabaho dahil sa pagpapasara ng mga minahan.

In short, another story ang paglilinaw (o mas tamang sabihin na lalong pinalabo?) ni Andanar.

Doon pa lang ay medyo duda na tayo kung paano dumadaloy ang komunikasyon sa Palasyo.

Inamin ni Andanar na hindi ang Pangulo ang direktang kausap niya kundi si Special Assistant to the President Christopher “Bong” Go.

Tinanong umano niya, kung ‘yung P2 bilyon ay para sa mga biktima ng lindol, pero ang sabi umano ni Bong Go, wala siyang narinig na ganoon.

Heto ang siste, kinabukasan, nagsalita naman si Presidential Spokesperson Ernie ‘Aberya’ Abella na ‘yung P2 bilyon ay para talaga sa mga biktima ng lindol sa Surigao.

E ‘di lalong nahilo ‘yung Palace reporters lalo na ang taongbayan.

Wattafak agen!?

E ano ba talaga ang totoo?!

Baka mamaya kapag nagsalita na naman ang Pangulo, ‘e parehong bokya ‘yung dalawang spokesperson?

Noong nakaraang administrasyon, mas maraming spokesperson pero kahit paano ‘e magkakahawig naman ang mga sinasabi nila. Iisa ang tono nila.

Pero ang dalawang spokesperson ni Pangulong Digong na sina Paandar at Aberya, dadalawa na lang nga sila hindi pareho o hindi sabay kumanta?!

Anak ng tokhang!

Kung ganyan na laging desentonado o laging unsynchronized ang sinasabi nitong sina Aberya at Paandar, aba puwede ba mag-usap kayo?!

Puwede naman kayong magtawagan kung ayaw ninyong magkita at tanungin ninyo ang isa’t isa kung ano ang mga ‘kakantahin’ ninyo.

Or better yet, mag-TEAM BUILDING kaya kayong dalawa para magkakilala kayo nang husto.

‘Yun bang tinginan pa lang ‘e magkakaunawaan na kayo agad.

Napupuna lang natin, habang tumatagal lalo yatang gumugulo ang komunikasyon sa Palasyo.

Puwede bang ayusin na ninyo ‘yan Secretary ‘Paandar’ este Andanar and Secretary ‘Aberya’ este Abella?

SENATOR DICK GORDON
NATUMBOK SI SECRETARY
VITALIANO AGUIRRE II

‘Yan ang gusto natin kay Senator Richard “Dick” Gordon.

Hindi nagpapaligoy-paligoy.

Tumpak naman siya na dapat noong unang pag-uusap pa lamang nila nina Jack Lam at Wally Sombero na inaalok siyang proteksiyonan ang Macau gambling mogul, dapat nagplano na siyang ipa-entrap ang dalawa.

Ang siste, umalis lang siya at sinabing bahala na kayo riyan.

At saka, bakit nakikipag-usap ang Justice Secretary outside his office sa isang gambling mogul na may utang o niloloko ang PAGCOR?!

Ethical po ba iyon?!

O mayroon bang nasisilip na ibang transaksiyon si Secretary Aguirre?

Paki-share naman Secretary Aguirre kung ano ang nakita mo sa ‘bolang kristal’ nang kausap mo sina Sombero at Jack Lam?!

O mas gusto mong kayo lang dalawa ni Senator Dick ang mag-usap?!

Tsk tsk tsk…

Hindi natin alam kung bagito ba talaga sa serbisyo publiko ang Cabinet members ni Pangulong Digong o sanay lang talaga sila sa private talks?

Tayo naman po ay nagtatanong lang.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap