Batangas ex-vice Gov. Mark Leviste volunteer sa MMDA!?

Sa darating na buwan ng Mayo, huwag tayong magugulat kung biglang magsulputan at maipuwesto ang mga talunang politiko sa administrasyon ni pangulong Rodrigo “Digong” Duterte.

Isa na rito si dating Batangas vice governor Mark Leviste, na malayo pa ang Mayo ay may higing nang magiging traffic czar sa Metropolitan Manila Development Authority (MMDA).

Sa kasalukuyan daw ‘e volunteer lang muna siya. Wala raw suweldo?!

Aba, magandang diwa ng pakikipagbayanihan ‘yan. Umpisahan kaya ni ex-gov Mark Leviste sa EDSA o kaya sa bandang Makati ang pagiging traffic czar niya?!

Linisin din kaya muna niya ang Lawton illegal terminal ng mga kolorum van/bus na nagpapasikip sa trapiko ng mga sasakyan sa Maynila?

Dapat, praktis-praktis muna kung kayang magmando ng trapiko (traffic enforcer) sa EDSA at Makati ni ex-vice Gov. Leviste.

Ala ‘e, subukan nga natin ang galing ni Batang!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap