HATAW! D'yaryo ng Bayan hatawtabloid.com
BINAWIAN ng buhay ang tatlong hinihinang drug users habang nakatakbo ang isang lalaki nang pasukin ng isang maskarado at pinagbabaril sa loob ng isang bahay sa Marikina City.
Sa ulat ng Marikina PNP, kinilala ang mga biktimang sina Jesus Martin, 60; Danilo Sercula, 46, at Rodel Aguilar, 41, habang nakatakbo si Wilfredo Martin makaraan paluin ng puluhan ng baril sa ulo.
Ayon sa pulisya, dakong 11:00 pm kamakalawa, pinasok nang nag-iisang suspek ang bahay ni Jesus sa Daang Bakal St., Brgy. Sto. Nino at isa-isang binaril ang mga biktima.
Ayon sa salaysay ni Wilfredo, kasalukuyang nagpa-pot session ang mga biktima sa bahay ng tiyuhin niyang si Jesus nang umatake ang nasabing maskarado.
( ED MORENO )
