HATAW! D'yaryo ng Bayan hatawtabloid.com
ISANG Chinese national ang nadakip ng mga tauhan ng Manila Police District sa buy-bust operation sa loob ng isang hotel sa Binondo, Maynila kamakalawa ng hapon.
Nakapiit sa MPD Meisic Police Station 11 ang suspek na si Zhao Xin Min, alyas Mr. Zhao, may-asawa, Chinese national, naka-check-in sa room 2032 ng Golden Phoenix Hotel, matatagpuan sa Diosdado Macapagal Avenue, Pasay City.
Ayon kay Chief Inspector Leonardo S. Gutierrez, ng Station Anti-Illegal Drug ng MPD Station 11, dakong 5:30 pm nang madakip nila sa buy-bust operation ang suspek sa loob ng Lido de Paris Hotel sa Ongpin St., Binondo, Maynila.
Nabatid na 45 gramo ng shabu ang ibinenta ng suspek sa isang asset ng pulis.
Siyam pirasong sachet ng shabu na umaabot sa 45 gramo ang nakompiska ng mga pulis mula sa suspek.
( JSY )
