Tuesday , April 23 2024
prison

3 kakilakilabot na ‘iron men’ timbog sa NAIA

MALAMIG na rehas na bakal ang hinihimas ng tatlong kilabot na kawatan na binansagang “Iron Men” sa paligid ng Manila Domestic terminal matapos mahuli sa aktong itinutulak sa ibabaw ng kariton ang isang pirasong steel H-beam bar, BMX bike, at isang jungle bolo dahilan upang arestohin ng mga awtoridad sa lungsod ng Pasay, napag-alaman sa ulat kahapon.

Sa ulat na isinumite ni AP Lt. Jesus Ducusin, OIC-Police Investigation Section kay AP Maj. Jaime Estrella, OIC-Police Intelligence and Investigation Division (PIID), nakilala ang mga suspek na sina Emmanuel Garciano,30, binata, lider ng grupo; Ariel Jasma,23, binata, at Carlo Morata, 29, pawang residente sa Bgy. 148 ,Sgt. Mariano compound, Pasay City. 

Ayon sa imbestigasyon ng pulisya,  habang nagbabantay ang guwardiyang si Francis Mariano ng Vigilant Security agency sa Parking B Entrance, NAIA terminal 4 sa Domestic Road nang mapansin ang mga suspek na itinutulak ang kariton na mayroong kargang malaking bakal. 

Ang nasabing H-beam bar na may sukat na tatlong metro ang haba ay galing mula sa isang abandonadong gusali na nasa tapat ng nasabing paliparan.

Inamin ng mga suspek sa pulisya na wala kasi silang natanggap na ayuda kayat napilitan silang magnakaw ng mga bakal sa abandonadong gusali.

Napag-alaman sa impormasyon na sina Graciano at Morata ay parehong convicted  kaugnay sa kasong robbery.

Muli na namang nahatulan ang dalawa kasama si Jasma kaugnay sa kasong Theft nang aminin nila ang kanilang pagkakasala sa MTC branch 45 ng Pasay City. (JSY)

About JSY

Check Also

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

arrest prison

Sigang tambay, kulong

‘IBINALIBAG’ sa selda ang 22-anyos tambay makaraang pumalag at ‘magpamalas ng kabangisan’ nang ireklamo ng …

Win Gatchalian

Mas maigting na pakikilahok ng LGUs sa edukasyon isinusulong ni Gatchalian

MULING isinulong ni Senador Win Gatchalian na paigtingin ang pakikilahok ng local government units (LGUs) …

Namatay sa baha sa Dubai
LUBOS NA TULONG MARAPAT IGAWAD SA TATLONG OFWs

KASUNOD ng pagpapaabot ng taos-pusong  pakikiramay sa pagkamatay ng tatlong overseas Filipino workers (OFWs) sa …

Paco Catholic School Fire Sunog

Pagkatapos ng P15-M sunog sa palengke
PACO CATHOLIC SCHOOL NO FACE-TO-FACE CLASSES

INIANUNSIYO ng Paco Catholic School (PCS) ang suspensiyon ng face-to-face classes simula bukas, Martes, 23 …

Leave a Reply

Your email address will not be published. Required fields are marked *