Ejay Falcon, inamin na ang relasyon kay Jana Roxas

FINALLY, inamin na ni Ejay Falcon na may girlfriend na siya dahil nag-post siya ng litratong magka-holding hands sila ni Jana Roxas sa kanyang Instagram account noong Martes ng gabi na nasa Tokyo, Japan sila na may caption na, ”finally.”

Sino si Jana Roxas? Produkto siya ng Starstruck batch 3 at unang beses naming nakitang magkasama ang dalawa sa Robinson’s Magnolia noong Oktubre 5, Miyerkoles, 9:30 ng gabi.

Hindi namin namukhaan si Jana noong gabing nakita namin sila ni Ejay dahil pumayat siya kompara sa pagkakatanda namin noong sumali siya sa Starstruck at higit sa lahat, bihira na rin siyang mapanood sa telebisyon.

Pero teka, bale sa pagsasaliksik namin ay may asawa na si Jana, ibang Jana Roxas kaya itong nali-link kay Ejay?

Anyway, malalaman natin ‘yan Ateng Maricris ‘pag nakita namin si Ejay.

FACT SHEET – Reggee Bonoan