4 tiklo sa shabu sa Rizal

APAT katao ang naaresto at nakompiskahan ng 22 piraso ng sachet ng shabu sa buy-bust operation ng mga awtoridad sa Townsite, Brgy. Sampaloc, Tanay, Rizal kamakalawa.

Kinilala ni Chief Inspector Marigondon Bartolome, chief of police, ang mga nadakip na sina Guillermo Senora y Saret, 38; Manilyn Senora, 27; Gemma Senora, 50, at Harold Leano, 35, habang nakatakas sina Gilmer Senora y Saret at Sally Senora y Dalma, pawang nakatira sa Masabat Road, ng nabanggit na bayan.

Ayon sa ulat, nadakip ang mga suspek dakong 10:30 pm sa isinagawang buy-bust operation ng mga awtoridad sa nabanggit na lugar.

( ED MORENO )