5 inmates pumuga sa Koronadal

KORONADAL CITY – Puspusan ang paghahanap ng mga awtoridad sa limang bilanggo na pawang may kasong ilegal na droga makaraan makatakas sa Bureau of Jail Management and Penology (BJMP) Koronadal City dakong 2:05 am kahapon.

Kinilala ang inmates na nakatakas na sina Christoper Punzalan Manalang, 38; Roel Gubatonm Austria, 45; Federico Sarayon Abaygar, 48; Edgar Mariano Tiad, 42, at Rosilito Delfin Casiles, 46.

Inihayag ni Supt. Barney Condes, nakatakas ang mga preso makaraan lagariin ang grills sa kanilang selda.

Habang sinabi ni Noel Espinar Tirado, 39, ng City Security Unit (CSU), nakita nila sa Freedom Park ang limang kalalakihan na may dalang bag habang palabas ng BJMP premises.

Bunsod nito, agad niya itong ini-report sa duty officer na si SJO4 Melburn Aujero.

Sa isinagawang ocular investigation, nakita ang nilagareng apat na iron grills na 9ft ang taas sa isang selda na naging daan nang pagtakas ng mga preso.