HATAW! D'yaryo ng Bayan hatawtabloid.com
TATLO katao na hinihinalang sangkot sa ilegal na droga ang namatay makaraan makipagbarilan sa mga pulis habang tatlo pa ang naaresto sa Caloocan City kahapon ng madaling araw.
Ayon kay Caloocan City Police Deputy for Administration Supt. Ferdinand Del Rosario, hindi pa nakikilala ang tatlong napatay na tinatayang may gulang na 30 hanggang 40-anyos.
Sa ulat nina SPO2 Eduardo Tribiana, PO3 Noel Bollosa at PO2 Cesar Garcia, dakong 12:30 am nang maganap ang insidente sa kahabaan ng PNR railway, Daang Bakal, Guido-1, Brgy. 33 ng nasabing lungsod.
Habang naaresto ng kabilang team na pinangungunahan ni PO2 Rolando Tagay, ang hinihinalang drug suspects na sina Julius Sigawat, 25; Francis Macalinao, 46; at Rolando Mangilit, 38-anyos.
( ROMMEL SALES )
